Ճապոնացի հետազոտողները պարզել են, որ հիլի սերմերի մզվածքը կարող է ակտիվացնել օրգանիզմի բնական հակավիրուսային պաշտպանական մեխանիզմները։
Համաձայն Foods ամսագրում հրապարակված հոդվածի, հիլի էքստրակտը և դրա հիմնական կենսաակտիվ բաղադրիչը՝ 1,8-ցինեոլը, ուժեղացնում են I տիպի ինտերֆերոնների՝ բնածին իմունիտետի առանցքային մոլեկուլների արտադրությունը, որոնք արգելափակում են վիրուսների բազմացումը։
Հետազոտողները նշում են, որ ստացված տվյալները հաստատում են հիլի ներուժը՝ որպես բնական հակավիրուսային միջոց։ Դոկտոր Կավահարայի խոսքով, «հիլը վաղուց հայտնի է որպես բուժիչ հատկություններով համեմունք, բայց այժմ մենք տեսնում ենք դրա ներուժը՝ որպես վիրուսների լայն շրջանակի դեմ կանխարգելիչ միջոցների բաղադրիչ»։
Գիտնականները ընդգծում են, որ իրենց աշխատանքը սկսվել է դեռևս մինչև COVID-19 համաճարակը, սակայն սննդամթերքի հակավիրուսային հատկությունների նկատմամբ համաշխարհային հետաքրքրությունը ուժեղացրել է այս ուղղության արդիականությունը։ Ավելի վաղ նույն խումբն արդեն ցույց էր տվել, որ քարդամոնի թուրմը ունակ է կանխարգելել գրիպի վիրուսով վարակումը։
Հետևեք NEWS.am Medicine-ին Facebook-ում և Twitter-ում