Զաֆրանի վրա հիմնված հավելումը կարող է բարելավել Պարկինսոնի հիվանդությամբ տառապող հիվանդների հոգեէմոցիոնալ վիճակը՝ նվազեցնելով բորբոքային ռեակցիաները: Համապատասխան կլինիկական փորձարկման արդյունքները հրապարակվել են «Սնունդ և գործառույթ» (F&F) ամսագրում:
Ուսումնասիրությունը եռակի կույր, պլացեբո-վերահսկվող փորձարկում էր, որին մասնակցել են Պարկինսոնի հիվանդությամբ տառապող 92 հիվանդ: Փորձը տևել է 12 շաբաթ: Մեկ խումբը օրական ստացել է 100 մգ զաֆրանի փոշի, իսկ մյուսը՝ պլացեբո: Ուսումնասիրության խմբի հիվանդների մոտ նկատվել է C-ռեակտիվ սպիտակուցի մակարդակի զգալի նվազում, որը համակարգային բորբոքման հիմնական ցուցանիշ է: Բարելավվել են նաև ճանաչողական կատարողականը, նվազել են անհանգստությունն ու դեպրեսիան: Համեմունքի ընդունման դրական ազդեցություններից են քնի որակի բարելավումը, հոգնածության նվազումը և սուբյեկտիվ հոգեբանական տառապանքի նվազումը: Մասնագետները նաև նկատել են շարժունակության, առօրյա գործերը հաղթահարելու ունակության և ընդհանուր բարեկեցության բարելավում:
Հեղինակները այս բարելավումները վերագրում են զաֆրանի կենսաբանորեն ակտիվ նյութերի հակաօքսիդանտային և հակաբորբոքային հատկություններին: Այն նախատեսված չէ Պարկինսոնի հիվանդության ստանդարտ բուժման այլընտրանք լինելու համար. այն ունի անվտանգ լրացուցիչ բուժման ներուժ, սակայն վերջնական եզրակացությունները կկայացվեն ավելի լայնածավալ կլինիկական փորձարկումներից հետո։
Հետևեք NEWS.am Medicine-ին Facebook-ում և Twitter-ում