Շատ մասնագետներ պնդում են, որ առողջությունը պահպանելու համար անրաժեշտ է շատ ջուր խմել: Բայց իրականում ջրի չափից դուրս սպառումը վնասակար է, քանի որ այն սպառնում է երիկամների խնդիրներին եւ ավելորդ քրտնարտադրությանը (հիպերհիդրոզ): Այսպիսին է պրոֆեսոր Մարկ Ուիթլիի տեսակետը, ով հիպերհիդրոզի բուժմամբ է զբաղվում: Նրա խոսքով, չափազանց շատ քրտնարտադրության խնդիրը հաճախ պայմանավորված է հենց օգտագործվող ջրի քանակով:
Եթե Դուք այդպիսի խնդիր ունեք, պրոֆեսորը խորհուրդ է տալիս նվազեցնել հեղուկ օգտագործելու քանակը, փորձել չնյարդայնանալ, դադարեցնել դեղամիջոցներ ընդունել: Եթե տվյալ միջոցները չեն օգնում, կարելի է Բոտոկսի ներարկումներ կատարել (ժամանակավորապես դադարեցնում է քրտնարտադրությունը) կամ էլ լազերով հեռացնել քրտնագեղձերը:
Ենթադրվում է, որ օրական անհրաժեշտ է 2 լիտր ջուր խմել: Մոտավորապես 500 մգ մենք այսպես թե այնպես սննդից ենք ստանում: Այստեղ պետք է ավելացնել սուրճն ու թեյը: Սկզբունքորեն սա բավական է, ասում է Ուիթլին: Եթե հեղուկը շատ-շատ է, երիկամները ծանրաբեռնվում են: Կամ էլ օրգանիզմն ավելցուկները քրտինքի միջոցով է հանում, որի ծավալները պարզ է, որ մեծանում են: Ընդհանրապես խմել պետք է միայն ծարավ զգալու դեպքում: Եթե մարմնին հերիքում է հեղուկը, մեզը դեղին եւ թափանցիկ է լինում:
Ի դեպ, մի շարք հետազոտություններ ցույց են տվել, որ եթե մարդը ջուր է խմում, երբ դրա կարիքը չի զգում, նրա կենտրոնացման աստիճանը նվազում է: Գիշերը անհրաժեշտ է լինում զուգարան գնալ, որը բացասաբար է անդրադառնում քնի որակի վրա: Իսկ անմիջապես ջուրը կարող է վտանգ ներկայացնել իր մեջ եղած քիմիական միացությունների պատճառով: Նաեւ չպետք է մոռանալ հիպոնատրեմիայի մասին, երբ աղերի մակարդակը նվազում է՝ ծայրահեղ ցուցիչների հասնելով, իսկ ուղեղն ուռչում է:
Հետևեք NEWS.am Medicine-ին Facebook-ում և Twitter-ում