65-ամյա կինը նկատել է, որ իր մատնահետքերը «ջնջվել» են այն բանից հետո, երբ բանկային համակարգը չի ճանաչել դրանք: Բժիշկները նշում են, որ կնոջ մատների հետ տեղի ունեցածը քաղցկեղի բուժման կողմնակի ազդեցություն է:
Վերջին երեք ամսվա ընթացքում կինը քիմիաթերապիայի կուրս է անցել չորրորդ աստիճանի կրծքագեղձի քաղցկեղի բուժման շրջանակներում, եւ մատնահետքերի անհետացումը «Կապիցետաբին» դեղորայքի կողմնակի ազդեցության հետեւանք է:
Նշվում է, որ կողմնակի այս ազդեցության արդյունքում մարդկանց մաշկը կարմրում է, այտուցվում, երբեմն արյունահոսում, ինչը ժամանակի ընթացքում իսկապես կարող է հանգեցնել մատնահետքերի անհետացմանը: Հատկանշական է, որ կողմնակի այս ազդեցությունը բավականաչափ հաճախ է հանդիպում՝ 100 հիվանդներից մոտավորապես 10—ի մոտ:
Քիմիաթերպայի երրորդ կուրսից հետո բժիշկները ստիպված եղան նվազեցնել դեղորայքի չափաբաժինը: Նրանք նաեւ կնոջը տեղեկանք են տրամադրել՝ առ այն, որ նրա մատնահետքերի կորստի պատճառը քիմիաթերապիան է:
Դեպքն արտացոլող հոդվածը լույս է տեսել New England Journal of Medicine ամսագրում:
Նախկինում բժիշկներն արդեն հանդիպել են նմանատիպ դեպքերի հետ, երբ հիվանդները քիմիաթերապիայից հետո բախվում էին տարատեսակ խնդիրների (օրինակ, չէին կարողանում լքել ԱՄՆ-ն), որովհետեւ փոխվել էին նրանց մատնահետքերը: Բժիշկները խորհուրդ են տալիս նմանատիպ անախորժություններից խուսափելու համար համապատասխան տեղեկանք ունենալ:
Հետևեք NEWS.am Medicine-ին Facebook-ում և Twitter-ում