Շատերը մտածում են, որ ալկոհոլի ցանկացած տեսակի եւ կանեփի համատեղ օգտագործումը ավելի ինտենսիվ է դարձնում թմրանյութի պատճառած հաճույքը: Բժիշկները պնդում են, որ ալկոհոլի ու կանեփի համակցումը հանդերձյալ աշխարհի ուղեգիր է:
Բանն այն է, որ ալկոհոլի եւ կանեփի համատեղ օգտագործումը հանգեցնում է նրան, որ տետրահիդրոկաննաբինոլի (հոգեմետ ազդեցության բաղադրիչ) պարունակությունը մարդու արյան մեջ կտրուկ աճում է: Դա հաջողվեց պարզել National Institutes of Health-ի բժիշկ Մերիլին Հուեստիսի ձեռնարկած հետազոտության շրջանակներում: Փարձարկումների ընթացքում 19 մարդ ալկոհոլ կամ մարիհուանա էին ստանում, կամ էլ՝ երկուսը միասին, որոշ մարդիկ էլ պլացեբո էին ստանում:
Գիտնականների խոսքով՝ ինչպես մարիհուանան, այնպես էլ ալկոհոլը նպաստում են ՃՏՊ-ների հավանականության աճին, իսկ այս նյութերի համակցումն էլ ավելի հավանական է դարձնում դրանք: Մարիհուանայի ազդեցության տակ գտնվող վարորդը իրեն ամենակարող է զգում եւ մոռանում է զգուշավորության մասին:
Հետևեք NEWS.am Medicine-ին Facebook-ում և Twitter-ում