2015թ. հուլիսի 14-ին Սլավմեդ բժշկական կենտրոնում կատարվել է աննախադեպ վիրահատություն: 52-ամյա կնոջ որովայնից հեռացվել է միոմատոզ փոփոխված հսկա արգանդը, որը կշռում էր 13կգ 170գրամ:
Վիրահատությունն առանձնահատուկ էր նաեւ նրանով, որ կատարվել է սիմուլտանտ վիրահատություն, հիվանդի մոտ ախտորոշվել էր նաեւ պորտային չներուղղվող մեծ ճողվածք, որովայնի առաջային պատի ուղիղ մկանների արտահայտված դիաստազ: Կատարվել է ճողվածքահատում, որովայնի առաջային պատի պրոթեզավորում պոլիպրոպիլենային ցանցով:
Փոխվել էր օրգանիզմի ամբողջ անատոմիական կառուցվածքը, սակայն Սլավմեդի բարձրակարգ բուժանձնակազմի, ի դեմս՝ Սլավմեդի ծննդատան եւ գինեկոլոգիական ծառայության ղեկավար Վարդան Ռափյանի եւ ընդհանուր վիրաբուժության ծառայության ղեկավար Տիգրան Դուրգարյանի, հաջողվել է առանց բարդությունների ավարտել վիրահատությունը:
«Սիրելի կանայք, հիվանդության կանխարգելումն ավելի դյուրին է, քան բուժումը», – հիշեցնում է Սլավմեդ բժշկական կենտրոնը։
Հետևեք NEWS.am Medicine-ին Facebook-ում և Twitter-ում