Շատ մարդիկ նախընտրում են մարզվել առավոտյան, սակայն մասնագետները խորհուրդ են տալիս մարզվել երեկոյան: Երեկոյան մարզումները մի շարք առավելությունների ունեն:
1. Երեկոյան վնասվածքներ չեք ստանա
Երեկոյան մարզումների ժամանակ որեւէ վնասվածք ստանալու հավանականությունը շատ ավելի ցածր է: Բանն այն է, որ առավոտյան տաքացնել օրգանիզմը շատ ավելի դժվար է, քանի որ քնից հետո մկաններն ու հոդերը դեռ պատրաստ չեն ծանրաբեռնվելուն: Երեկոյան՝ ակտիվ օր անցկացնելուց հետո, սովորաբար նման խնդիրներ առաջ չեն գալիս: Ի դեպ, սիրտն առավոտյան եւս պատրաստ չէ ծանրաբեռվելուն:
2. Սթրեսի մակարդակը կնվազի
Երեկոյան մարզվելը օգնում է նվազեցնել սթրեսի մակարդակը: Այդ մարզումը նաեւ օգնում է մարմնին թուլանալ, իսկ հաճելի հոգածությունը նպաստում է ավելի լավ քուն ունենալուն: Սակայն պետք չէ մարզվել գիշերվա ընթացքում, քանի որ այդ դեպքում կդժվարանա քունը:
3. Արդյունավետություն
Գիտնականները վերջերս բացահայտել են, որ իրենց մաքսիմալ ցուցանիշները մկաններն արձանագրում են երեկոյան: Նույնը վերաբերվում օրգանիզմի կողմից թթվածնի կլանմանն ու յուրացմանը: Հետեւաբար, մարդը կարող է մաքսիմալ արդյունքների հասնել հենց երեկոյան:
4. Կալորիաների քանակը
Երեկոյան սպորտով զբաղվելը թույլ կտա ազատվել ավելորդ կալորիաներից, որոնք կուտակվել են օրվա ընթացքում: Դա կարեւոր է նաեւ հոգեբանական տեսանկյունից:
5. Զարկերակային ճնշում
Հետազոտությունները ցույց են տալիս, որ երեկոյան ժամերին սպորտով զբաղվելը նպաստում է զարկերակային ճնշման նվազեցմանը:
Հետևեք NEWS.am Medicine-ին Facebook-ում և Twitter-ում