Հայաստանւմ թոքերի քաղցկեղը շարունակում է մնալ առաջատարի դերում տղամարդկանց մոտ, իսկ կանանց շրջանում գերակշռող դիրքը պահպանում է կրծքագեղձի քաղցկեղը: Այս մասին փետրվարի 4-ին մամլո-ասուլիսի ժամանակ հայտնեց Հայաստանի առողջապահության նախարարության գլխավոր ուռուցքաբան, Ազգային ուռուքաբանական կենտրոնի տնօրեն՝ Հայրապետ Գալստյանը:
Համաձայն ԱՀԿ-ի վերջին տվյալների, 2020 թվակնին կանխատեսվում է ուռուցքային հիվանդությունների մոտավորապես 20 միլիոն նոր դեպք, մահացությունը կկազմի միջինը 10 միլիոն: Հենց այս պատճառով էլ, ամբողջ աշխարհի ուռուցքաբանները փորձում են ամեն ինչ անել ուռուցքային հիվանդությունների կանխարգելման համար, ասաց նա:
Ինչ վերաբերում է Հայաստանին, ապա 2002 թվականին Հայաստսանում գրանցվել է 5737 նոր դեպք, իսկ 2012 թ-ին՝ 7877: Եթե 2002 թվականին 100 հազար բնակչին բաժին էր ընկնում 179 ուռուցքային հիվանդ, ապա տասը տարի անց այս թիվը աճել է մինչեւ 240-ը:
Մասնագետների հաշվարկով, 2022 թվականին Հայաստանում կգրանցվի քաղցկեղային հիվանդությունների 10 հազար նոր դեպք, եւ ինչպես հիմա, այնպես էլ տասը տարի անց ամենահաճախը կլինեն թոքերի, կրծքագեղձի, միզապարկի եւ շագանակագեղձի քաղցկեղը:
Խոսելով Ազգային ուռուցքաբանական կենտրոնի հագեցվածության մասին, Հ. Գալստյանը նշեց, որ վերջին երեք տարվա ընթացքում կենտրոնը հագեցվել է նորագույն տեխնոլոգիաներով, որոնց թվին է պատկանում կոմյպուտերային տոմոգրաֆիան, շարժական ռենտգեն սարքավորում, մամոգրաֆիա, ուլտրաձայնային սարքավորում, տարբեր օրգանների հետազոտման համար կիրառվող ժամանակակից էնդոսկոպներ(ստամոքս, միզապարկ, կանացի օրգաններ), ռադիոիզատոպային հետազոտական լաբորատորիա եւ СПЕКТ տեսախցիկ: Կետրոնի ճառագայթային թերապիայի բաժանմունքը հագեցվել է հեռահար ճառագայթային բուժման համար սարքավորումով (ТЕРАГАМ), ինչպես նաեւ էլեկտրոնների շվեդական գծային արագացուցիչներով (Electa): Դրա շնորհիվ հնարավոր դարձավ հիվանդների բուժումն իրականացնել եվրոպական չափանիշների համապատսախան:
Տնօրենը հաղորդեց նաեւ, որ այս տարի Ատոմային էներգետիկայի միջազգային գործակալությունը կենտրոնին կտրամադրի նոր համակարգչային տոմոգրաֆ՝ ճառագայթային թերապիայի ճշգրտությունն ապահովելու համար:
Հետևեք NEWS.am Medicine-ին Facebook-ում և Twitter-ում