Ավելորդ քաշը կարող է խանգարել ձեզ հղիանալ: Ճարպակալումը կարող է տարբեր կերպ ազդել ձեր եւ ձեր զուգընկերոջ ֆերտիության վրա:
1. Ճարպակալումը ազդում է ձեր հորմոնների վրա
Երբ ձեր մարմնի զանգվածի ցուցանիշը «հավելյալ քաշ» (ՄԶՑ-ն ՝ 25-29.9) կատեգորիայից անցնում է «Ճարպակալման» ( ՄԶՑ-ն 30 եւ ավել) կատեգորիա, ձեր օրգանիզմում կարող են հորմոնալ փոփոխություններ տեղի ունենալ: Բնական հորմոնների մակարդակի փոփոխությունը զգալիորեն նվազեցնում է հղիանալու ձեր շանսերը, հաղորդում է Քլիվլենդի կլինիկան։
2. Ճարպակալումը հանգեցնում է ինսուլինի հանդեպ կայունության
Ճարպակալմանը զուգահեռ տեղի ունեցող հորմոնալ խանգարումները հաճախ հանգեցնում են ինսուլինի հանդեպ կայունության: Դա շաքարախտի հիմնական ռիսկի գործոնն է, բայց դա կարող է նաեւ ազդել ֆերտիլության վրա եւ հանգեցնել ոչ նորմալ դաշտանային ցիկլերի: Ինսուլինի հանդեպ կայունությունը կարող է անօվուլյացիայի հանգեցնել, վիճակ, երբ օրգանիզմում ձվազատում տեղի չի ունենում, ինչն էլ արգելակում է բեղմնավորումը:
3. Ճարպակալումն ազդում է հղիության վրա
Ճարպակալումը խնդրաշատ է դարձնում բեղմնավորումը, լինի դա բնական հղիություն թե օժանդակ տեխնոլոգիաների միջոցով, օրինակ՝ արտամարմնական բեղմնավորմամբ՝ԱՄԲ: Դա նաեւ մեծացնում է վիժումների զարգացման ռիսկը:
4. Ճարպակալումը նաեւ նվազեցնում է ձեր զուգընկերոջ պտղաբերությունը
Տղամարդկանց մոտ ճարպակալումն առաջացնում է տեստոստերոնի նվազեցում, ինչը կարող է անպտղության հանգեցնել: Բացի դրանից, էռեկտիլ դիսֆունկցիան ավելի հաճախ հանդիպում է գեր տղամարդկանց շրջանում:
Եթե վերը նշված խնդիրները ձեզ խառնաշփոթի մեջ են գցել, մի անհանգստացեք, դուք եւ ձեր զուգընկերը կարող եք լավացնել հաջողության հասնելու եւ նիհարելու հնարավորությունները: Երբ դուք նիհարում եք, հորմոնալ խանգարումները եւ ճարպակալման այլ հետեւանքները կարող են նվազել: Դուք կարող եք սկսել աշխատել ձեր կյանքի դրական փոփոխությունների վրա՝ կանոնավոր ֆիզիկական վարժություններ արեք, նվազեցրեք սննդի չափաբաժինը եւ առողջ սնունդ ընտրեք:
Հետևեք NEWS.am Medicine-ին Facebook-ում և Twitter-ում