«Ոգելից խմիչքի անվտանգ քանակություն» հասկացություն, ըստ էության, գոյություն չունի, ոգելիցի նույնիսկ փոքր քանակությունը բարձրացնում է ծերունական տկարամտության զարգացման հավանականությունը, հավաստիացնում են National Institute for Health and Clinical Excellence (Nice)-ի գիտնականները:
Տկարամտության կանխարգելման համար նրանք խորհուրդ են տալիս ամբողջովին հրաժարվել ցանկացած տեսակի ոգելից խմիչքից, հատկապես միջին տարիքում:
Ծերունական տկարամտությունից պաշտպանվելու վերաբերյալ խորհուրդներում գիտնականներն ասում են, որ ոգելից խմիչքի նույնիսկ պաշտոնապես սահմանված նվազագույն քանակության գործածումը, միեւնույն է, ավելացնում է Ալցհեյմերի հիվանդության ու տկարամտության այլ տարատեսակների զարգացման հավանականությունը: Ընդհանուր պրակտիկայի բժիշկներին նրանք խորհուրդ են տալիս նախազգուշացնել միջին տարիքի հիվանդներին այն մասին, որ ոգելիցի ոչ մի անվտանգ քանակություն գոյություն չունի, ու նույնիսկ մեկ կաթիլ ոգելից խմիչքը վտանգավոր է:
Հետազոտության հեղինակների կարծիքով, Ալցհեյմերի հիվանդության բոլոր դեպքերի մեկ երրորդը սխալ կենսակերպի ՝ ֆիզիկական ծանրաբեռնվածության պակասի, ճարպակալման, ծխելու ու ոգելից խմիչքի գործածման հետեւանք է:
Այսօր Մեծ Բրիտանիայում կանանց խորհուրդ են տալիս օրական 175 միլիլիտր գինի խմել: Տղամարդկանց թույլատրված չափաբաժինը մի փոքր ավելին է: Երկար ժամանակ համարվում էր, որ ոգելից խմիչքի նման քանակությունն առողջությանը չի վնասի, իսկ հիմա պարզվում է, որ դա այդպես չէ:
Հետևեք NEWS.am Medicine-ին Facebook-ում և Twitter-ում