Ներկառուցված տեսախցիկով նոր դեղահաբը կարող է էապես օգնել կոկորդի եւ աղիքների քաղցկեղի ախտորոշման գործում եւ նույնիսկ փոխարինել էնդոսկոպիկ հետազոտությանը:
Նման «տեսահաբերի» ստեղծման մասին նախկինում էլ էր հաղորդվել, սակայն դրանց միջոցով ստացվող պատկերը կատարյալ չէր, ինչն էականորեն բարդացնում էր ճիշտ ախտորոշումը:
Այժմ Գլազգոյի համալսարանի հետազոտական խումբը Մուհամեդ ալ-Ռավվանիի ղեկավարությամբ ոչ միայն իրականություն է դարձրել տեսախցիկ-դեղահաբը, այլեւ սկսել է ֆլուորեսցենտային ճառագայթում օգտագործել ուռուցքների հայտնաբերման համար: Այս տեխնոլոգիայի շնորհիվ ստեղծված հաբը հնարավորություն կտա մեծացնել հայտնաբերվող ուռուցքների քանակը, ինչպես նաեւ կնվազեցնի կեղծ դրական դեպքերի թիվը:
Դեղահաբի չափերը փոքր են, ինչը դրա օգտագործումը պարզ եւ հարմար է դարձնում: Լիցքավորումը հերիքում է 14 ժամ աշխատելու համար, որոնց ընթացքում «տեսահաբը» կկարողանա ամբողջությամբ հետազոտել հիվանդի մարսողական տրակտը:
Գիտնականները ենթադրում են, որ մի քանի տարուց իրենց ստեղծած «տեսահաբը» կօգտագործվի բժշկության մեջ, սակայն այժմ անհրաժեշտ է մի շարք լրացուցիչ հետազոտություններ կատարել` դրա արդյունավետության եւ անվտանգության մեջ համոզվելու համար:
Այդ մասին տեղեկացնում է գիտական Scientific Reports ամսագիրը:
Հետևեք NEWS.am Medicine-ին Facebook-ում և Twitter-ում