Լյարդի հիվանդությունները կարող են շատ վտանգավոր լինել, այդ պատճառով ցանկալի է իմանալ դրանց ախտանիշների մասին ի հայտ գալու դեպքում ժամանակին բժշկի դիմելու համար:
Աչքերի գույնի փոփոխություն
Աչքի սպիտակուցների գույնի փոփոխությունը, օրինակ, դրանց դեղնածությունը կարող է լյարդի հետ կապված խնդիրների մասին վկայել, այդ պատճառով այդ ախտանիշները չի կարելի անտեսել:
Ախորժակի կորուստ
Լյարդի հետ կապված խնդիրների մյուս ախտանիշը ախորժակի կորուստն է: Լյարդի վնասվածքը կարող է հանգեցնել օրգանիզմում տոքսինների կուտակման, ինչը կարող է փչացնել ախորժակը: Ավելին, լյարդի հետ կապված խնդիրների պատճառով սովորաբար խանգարվում է վիտամինների եւ հանքանյութերի կլանումը, ինչը թուլության եւ հոգնածության է հանգեցնում:
Սրտխառնոց եւ փսխուք
Լյարդի հիվանդության եւս մի տարածված ախտանիշ, որ կապված է տոքսինների կուտակման հետ, սրտխառնոցն ու փսխոցը է առանց որեւէ պատճառի (օրինակ, առանց թունավորման): Սրտխառնոցը եւ փսխոցը այնպիսի ախտանիշներ են, որոնց դեպքում ցանկացած պարագայում արժե բժշկի դիմել:
Ցավեր ստամոքսում
Լյարդը փորի վերին աջ հատվածում է, եւ այդ մասում անհարմարությունն ու ցավերը կարող են լյարդի հիվանդության ախտանիշներ լինել:
Մուգ մեզ
Մուգ, պղտոր մեզը կարող է մի շարք հիվանդություններ մատնանշել, այդ թվում` լյարդի հիվանդություն: Լյարդի հետ կապված խնդիրների դեպքում սովորաբար լեղու աղերի մեծ արտադրություն է դիտարկվում: Այդ աղերը ճեղքելու ունակ ֆերմենտների պակասը հանգեցնում է օրգանիզմում լեղու պիգմենտների կուտակմանը: Պիգմենտներն օրգանիզմից դուրս են բերվում մեզի եւ ատաթորանքի միջոցով, այդ պատճառող կարող են մուգ երանգ ունենալ:
Հետևեք NEWS.am Medicine-ին Facebook-ում և Twitter-ում