• Latest news

Երեւանում տեղի կունենա Թերապեւտների եվրասիական ասոցիացիայի II համագումարը

30 ապրիլի, 2016  12:45

Թերապեւտների եվրասիական ասոցիացիայի (ԹԵԱ) II համագումարը տեղի կունենա Երեւանում` 2016-ի մայիսի 19-20-ը, հայտնում է Ասոցիացիայի կայքը 

Համագումարը միջազգայինի կարգավիճակ ունի: Նախատեսված է Հայաստանի, Ռուսաստանի, Ղրղզստանի, Բելառուսի, Ղազախստանի, Տաջիկստանի, Ուզբեկստանի գիտնականների, բժիշկների, բուժմասնագետների մասնակցությունը: Նախատեսված է մասնագետների մասնակցություն Կանադայից, ԱՄՆ-ից Ֆրանսիայից, Վրաստանից, Իրանից:  

Համագումարի շրջանակում ԹԵԱ-ի միջոցառումների ընթացքում  առաջին անգամ կանցկացվի արագընթաց նստաշրջանի նոր ձեւաչափ` դասախոսների հետ ուղղակի շփման հնարավորությամբ:  Ավանդույթի համաձայն, կանցկացվեն լիագումար նիստեր, պանելային բանավեճեր, արբանյակային սիմպոզիումներ, դպրոցներ  եւ վարպետաց դասեր: 

Կոնգրեսի աշխատանքի գլխավոր ուղղություններ են ընտրվել. 

Առօրյա պրակտիկայում նոր օրալ հակամակարդիչների ընդունման այժմեական խնդրի քննարկում` նախասրտերի թելայնացմամբ հիվանդների շրջանում ուղեղի արյան շրջանառության խանգարումների հանդիպելիության աճի ֆոնին: 

Միջազգային եւ ռուսական նախագծերի ներկայացում, որոնք ուղղված են Եվրասիական մայրցամաքի երկրներում համաճարակային իրավիճակի ուսումնասիրմանը: 

Գիտականորեն հիմնավորված պրոֆիլակտիկ ծրագրերի ներկայացում` կոմորբիդայնության գնահատման, բուժման արդյունավետության, տարեց եւ ծեր անձանց տարիքային խմբի հիվանդներին հիվանդանոց տեղափոխման պատճառների եւ դրանց ելքերի մասին, ինչը թույլ կտա օպտիմալացնել ակտիվ երկարակեցության ծրագրերի կյանքի կոչումը: 

Համագումարի շրջանակում տեղի կունենան դասախոսությունների եւ վարպետաց դասերի ներկայացումներ Թերապեւտների եվրասիական ասոցիացիայի առաջատար մասնագետների կողմից: Տեղի կունենա նաեւ երիտասարդ գիտնականների I մրցույթը:

Կոնգրեսին պատվիրակների մասնակցության արդյունքում անվանական հավաստագրեր կտրամադրվեն, որտեղ նշված կլինի նրանց լսած դասախոսությունների ժամաքանակը եւ կրեդիտային միավորների համապատասխան թիվը: 

Համագումարի շրջանակում տեղի կունենա մրցույթ, որին մասնակցությունը, ներառյալ թեզիսների հրապարակումը, եթե դրանք ընդունվեն, անվճար է: 35 տարեկանից երիտասարդ բժիշկները կարող են իրենց աշխատանքը ներկայացնել նաեւ «Երիտասարդ գիտնականների» մրցույթին: Երիտասարդ գիտնականների մրցույթին մասնակցությունը հաստատվում է Մասնակցի հավաստագրով: Պարգեւատրումը տեղի կունենա 2016-ի մայիսի 20-ին:

Համագումարն ընթանում է Թերապեւտների եվրասիական ասոցիացիայի հովանու ներքո, Հայաստանի Առողջապահության Նախարարության, Լեռնային Ղարաբաղի Առողջապահության Նախարարության, ԱՊՀ երկրների առողջապահության ոլորտում համագործակցության խորհրդի, Մխիթար Հերացու անվան աջակցության հիմնադրամի աջակցությամբ: 

Ծրագրին կարելի է ծանոթանալ այստեղ:

Հայաստանի Առողջապահության նախարարության կայքը հայտնում է, որ համագումարը տեղի կունենա Կառավարության ընդունելությունների տանը, հետեւյալ հասցեով. Երեւան, Մաշտոցի   47: Ավելի մանրամասն տեղեկությունների համար զանգել հետեւյալ հեռախոսահամարով. (+374 10) 56-27-83:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է