Լյարդի մետաստազների ճառագայթային թերապիա. ճշգրիտ բուժում առանց վիրահատության

Լյարդի մետաստազները կարող են առաջանալ տարբեր ուռուցքաբանական հիվանդությունների դեպքում, երբ այլ օրգանի ուռուցքը տարածվում է լյարդի վրա: Բուժման մարտավարությունը կախված է օջախների քանակից և դրանց վրա տեղային ներգործելու հնարավորությունից: Եթե մետաստազները շատ են, հիվանդին, որպես կանոն, նշանակվում է քիմիաթերապիա: Այնուամենայնիվ, օջախների փոքր քանակի դեպքում կարող են կիրառվել վիրահատական ​​հեռացում, ռադիոհաճախային աբլացիա կամ ստերեոտաքսիկ ճառագայթային թերապիա:

Ինչպես նշում է «Էրեբունի» ռադիոթերապիայի կենտրոնի ճառագայթային թերապիայի ծառայության ղեկավար Սերգեյ Գոլուբը, վերջին մեթոդի առավելություններից մեկը բարձր ճշգրտությամբ ուռուցքային օջախների վրա ազդելու հնարավորությունն է՝ առանց վիրահատական ​​միջամտության: Միջամտությունը չի պահանջում անզգայացում կամ ցավազրկում և կարող է կիրառվել նաև այն հիվանդների նկատմամբ, որոնց վիրահատությունը հակացուցված է ուղեկցող հիվանդությունների պատճառով: Բացի այդ, այս մեթոդը թույլ է տալիս բուժել տեղային ազդեցության այլ տեսակների համար դժվարհասանելի լյարդի հատվածներում գտնվող օջախները:

Մանրամասները՝ վիդեոռեպորտաժում։

Հետևեք NEWS.am Medicine-ին Facebook-ում և Twitter-ում