Ատամնաբույժների հինգերորդ միջազգային կոնգրեսը կընթանա Լեռնային Ղարաբաղում

Ատամնաբույժների հինգերորդ միջազգային կոնգրեսը «Ատամնաբուժության եւ դիմածնոտային վիրաբուժության այժմեական խնդիրներ» վերնագրով կընթանա մայիսի 23-ին Լեռնային Ղարաբաղում:

Հայաստանի Առողջապահության նախարարության գլխավոր ատամնաբույժ Լազար Եսայանը NEWS.am Medicine-ի թղթակցին պատմել է, որ ատամնաբույժների Հայ-սլավոնական առաջին կոնգրեսի ավարտից հետո նրա մասնակիցներից շատերը կմեկնեն Լեռնային Ղարաբաղ, այդ թվում` Ռուսաստանից եկած մասնագետները: Այնտեղ մեկօրյա գիտական համաժողով տեղի կունենա, որի ընթացքում մասնագետները հնարավորություն կստանան քննարկելու ատամնաբուժության եւ դիմածնոտային վիրաբուժության այսօրվա դրությամբ այժմեական հարցեր եւ փորձի փոխանակում կատարել: Լազար Եսայանը նշել է, որ քննարկման եւ ելույթների համար թարմ թեմաներ են ընտրել, որոնք չեն կրկնում այն, ինչ արդեն կհասցնեն քննարկել Երեւանում ատամնաբույժների Հայ-սլավոնական առաջին կոնգրեսի շրջանակում: 

Խոսելով Լեռնային Ղարաբաղում ատամնաբուժության զարգացման մակարդակի մասին, Հայաստանի գլխավոր ատամնաբույժը նշել է, որ այնտեղ լավ մասնագետներ կան. աելին, նրանք հաճախ մասնակցում են գիտական միջոցառումների, որոնք ընթանում են Երեւանում` ջանալով տեղյալ լինել ատամնաբուժության մեջ բոլոր նոր իրադարձություններին: 

Սակայն տեխնիկական զինվածության խնդիրները, Լազար Եսայանի խոսքով, դեռեւս այժմեական են Լեռնային Ղարաբաղում: Երեւանում նման պրակտիկայի պակաս չկա. Այստեղի մասնագետները ջանում են հնարավորինս արագ այստեղ բերել ամեն նորը, որ հայտնվում է զարգացող երկրներում:  

Կոնգրեսը կկազմակերպվի Հայաստանի Առողջապահության եւ Գիտության եւ կրթության նախարարություների, Երեւանի Մխիթար Հերացու անվան բժշկական համալսարանի եւ Ատամնաբուժական կրթության եւ հետազոտության ասոցիացիայի կողմից:

Հետևեք NEWS.am Medicine-ին Facebook-ում և Twitter-ում