• Latest news

Շատ մարդիկ սխալ են օգտագործում արեւապաշտպան քսուքները. մասնագետ

13 հուլիսի, 2016  11:58

Արեւապաշտպան քսուքները ճիշտ օգտագործման դեպքում կարող են լավ պաշտպանություն ապահովել ուլտրամանուշակագույն ճառագայթների վնասակար ազդեցությունից, սակայն շատ մարդիկ այդ միջոցները սխալ են օգտագործում` դրանով մեծացնելով արեւայրուք եւ դրա հետ կապված խնդիրներ ձեռք բերելու վտանգը: 

Մաշկաբան-վեներոլոգ Հովհաննես Հովհաննիսյանը պատմել է, թե իրականում ինչպես է պետք օգտագործել այդ միջոցները, ինչը շատ մարդիկ սխալ են անում: 

Սովորաբար մարդիկ մաշկին արեւապաշտպան քսուք են քսում եւ անմիջապես փողոց են դուրս գալիս: Դա, մասնագետի խոսքով, ամենատարածված սխալներից մեկն է, չէ որ որպեսզի քսուքը սկսի գործել, նրան ժամանակ է պետք. այն պետք է ներթափանցի մաշկի առավել խորը շերտեր, դրանցում որոշ փոփոխություններ առաջացնի, որոնք ապահովում են անհրաժեշտ պաշտպանական էֆեկտը: Այդ պատճառով խորհուրդ է տրվում արեւապաշտպան քսուք քսել տարածքից դուրս գալուց առնվազն երեսուն րոպե առաջ: 

Մեկ այլ տարածված սխալ է ծովում լողալուց հետո քսուքը «չթարմացնելու» սովորությունը: Հարցն այն է, որ ջուրը մաշկից լվանում է ցանկացած արեւապաշտպան քսուք, նույնիսկ «դիմացկունը»: Եվ եթե մենք լողալուց հետո քսուք չենք քսում, մաշկն անպաշտպան է մնում ուլտրամանուշակագույն ճառագայթների առաջ: Իսկ ծովի աղի ջուրը, եթե այն մնում է մաշկի վրա, այն ավելի խոցելի է դարձնում: 

Երրորդ տարածված սխալը լողալուց հետո քսուքը սխալ քսելն է: Եթե մենք լողալուց անմիջապես հետո սրբիչով չորացնենք մաշկը, քսուք քսենք եւ պառկենք արեւի լոգանք ընդունելու, քսուքը չի հասցնի ներծծվել, որ սկսի գործել եւ մենք, իհարկե, արեւայրուք կստանանք: Դրանից խուսափելու համար խորհուրդ է տրվում քսուքը քսելուց հետո կես ժամվա ընթացքում ստվերում մնալ եւ հետո միայն դուրս գալ արեւի տակ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է