• Latest news

Ինչու ենք մենք ամռանը հիվանդանում ՍՇՎ-ով

2 օգոստոսի, 2016  20:41

Մրսածությունը եւ ՍՇՎ-ն մեզ մոտ սովորաբար նույնանում են ձմեռվա ցրտի հետ, բայց ամռանը մրսելու կամ վարակվելու հավանականությունը բոլորովին էլ ավելի ցածր չէ: Բրիտանական Public Health England-ի տվյալներով, ամառվա ամիսների ընթացքում մրսածության հետ կապված հիվանդությունների եւ ՍՇՎ-ի մեծ թիվ է գրանցվում, հատկապես 5-14 տարեկան երեխաների շրջանում:

 Վիրուսաբան Ջոն Օքսֆորդը University of London-ից պարզաբանել է, որ աշնանը եւ ձմռանը որեւէ վիրուսով վարակվելու հավանականությունն ավելի մեծ է, որովհետեւ մենք շատ ժամանակ ենք անցկացնում փակ տարածքներում, իրար մոտ: Սակայն ամռանը մեզ շրջապատում են մեծ քանակությամբ վիրուսներ, որոնք հեշտորեն կարող են հայտնվել մեր օրգանիզմում եւ ՍՇՎ-ի ախտանիշներ, սրտխառնոց եւ փսխոց առաջացնել: 

Ձմռանը եւ ամռանը, մասնագետի խոսքով, տարբեր վիրուսներ մրսածության եւ ՍՇՎ-ի են հանգեցնում: Ձմռանը դրանք սովորաբար ռինովիրուսներն են` մարդու առավել հաճախ հանդիպող վիրուսները: Ամռանը մենք ամենից հաճախ հիվանդանում ենք էնտերովիրուսային վարակների պատճառով: 

Սովորաբար ցանկացած վիրուսային վարակ մրսածության չափավոր ախտանիշներ է առաջացնում, որոնք մի քանի օրից մինչեւ շաբաթներ են տեւում: Սակայն ձմեռային վիրուսներն ամենից հաճախ սահմանափակվում են վերին շնչառական համակարգով` քթով եւ կոկորդով, իսկ ամառային էնտերովիրուսները հաճախ վնասում են աղեստամոքսային համակարգը եւ մարսողության խանգարումների են հանգեցնում:  

Կարծիք կա, որ որոշ ռինովիրուսներ ոչնչանում են արեւային ճառագայթների կողմից, այդ պատճառով ամռանը մենք գործնականում չենք վարակվում ռինովիրուսային վարակներով, իսկ էնտերովիրուսները ուլտրամանուշակագույն ճառագայթմանը մեծ դիմադրողականություն ունեն: Ավելին, դրանք շատ լավ գոյատեւում են մեր մարսողական համակարգում:  Ռինովիրուսներն իրենց հերթին կարող են գոյատեւել ցրտին, երբ օդի ջերմաստիճանը   37 աստիճանից ցածր է:

Վիրուսներով վարակումից խուսափելու համար մասնագետը խորհուրդ է տալիս եւ ձմռանը, եւ ամռանը հետեւել հիգիենային, լվալ ձեռքերը, որովհետեւ շատ վիրուսներ մեր օրգանիզմում են հայտնվում հենց կեղտոտ ձեռքերի միջոցով:  Իսկ եթե Դուք մրսածություն կամ ՍՇՎ ունեք, ցանկալի է աշխատանքի չգնալ ուրիշներին չվարակելու համար, իսկ ախտանիշների վատացման դեպքում անհրաժեշտ է բժշկին դիմել, որովհետեւ էնտերովիրուսները կարող են մի շարք լուրջ բարդացումների հանգեցնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է