Ի՞նչ պետք է իմանալ ծնկի էնդոպրոթեզավորման մասին

Ծնկի ցավի առավել տարածված պատճառն օսթեոարթրիտն է՝ աճառի վնասվածքը, որը սուր ցավ եւ թմրածություն է առաջացնում: Եթե ցավազրկող եւ այլ միջոցներն արդեն չեն օգնում, հնարավոր է՝ Դուք ծնկի լրիվ էնդոպրոթեզավորման կարիք ունենաք:

Ծնկահոդի փոխպատվաստում առաջին անգամ արվել է 1968-ին: Այդ ժամանակից ի վեր, վիրաբուժական նյութերի եւ տեխնիկայի կատարելագործման պայմաններում, վիրահատության արդյունավետությունը զգալիորեն մեծացել է, հայտնում է Fox News-ը:

Վիրահատության ժամանակ վիրաբույժը նախ հեռացնում է վնասված աճառն ու ոսկորը, հետո պրոթեզ է դնում:

Պրոթեզը բաղկացած է 3 արհեստական բաղադրիչից՝ ազդրային մետաղական վահանակ, մեծ սրունքոսկրի մետաղյա ու պլաստիկե բաղադրիչ եւ պլաստիկե վերծնկային մաս, որոնք ամրացնում են ծնկի մեջ:

Նախքան կտրվածքը փակելը՝ վիրաբույժը ծալում ու թեքում է ծունկը՝ համոզվելու համար, որ պրոթեզը ճիշտ է աշխատում:

Վիրաահտությունից հետո հիվանդների ավելի քան 90%-ը ցավի կտրուկ թեթեւացում եւ ծնկի գործառույթի լավացում է զգում: Պրոթեզն աշխատում է 10-20 տարի:

Հետևեք NEWS.am Medicine-ին Facebook-ում և Twitter-ում