Հայաստանի երիտասարդ բժիշկների տարեկան գիտաժողովը նվիրված է ապագայի բժշկության հարցերին

Երեւանում սեպտեմբերի 30-ին եւ հոկտեմբերի 1-ին տեղի կունենա «Ապագայի բժշկություն. համատեղ հայացք համընդհանուր խնդրին» խորագրով եւ միջազգային մասնակցությամբ 3-րդ տարեկան գիտաժողովը:

Գիտաժողովը նվիրված է Հայաստանի Հանրապետության Անկախության 25 ամյակին եւ անցկացվում է Անկախության 25 ամյակին նվիրված միջոցառումների շրջանակներում: Կազմակերպիչն է՝ «Երիտասարդ բժիշկների հայկական ասոցիացիան»։

Գիտաժողովն անցկացվում է ՀՀ առողջապահության նախարարության աջակցությամբ:

Գիտաժողովի համակազմակերպիչներն են՝

• Պլաստիկ վիրաբույժների հայկական ասոցիացիա,
• Ռադիոլոգների հայկական ասոցիացիա,
• Ուռուցքաբանների հայկական ասոցիացիա,
• Գինեկոլոգների հայկական ասոցիացիա,
• Հոգեուռուցքաբանության հայկական ասոցիացիա,
• «Առողջություն» ամսագիր

Գիտաժողովի հիմնական ուղղություններն են.

• Առողջապահության կազմակերպում
• Ուռուցքաբանական հիվանդություններ
• Մանկաբարձություն եւ գինեկոլոգիա
• Պլաստիկ եւ էսթետիկ վիրաբուժություն
• Ստոմատոլոգիա եւ դիմածնոտային վիրաբուժություն
• Լաբորատոր եւ ճառագայթային ախտորոշում
• Ներքին օրգանների հիվանդություններ
• Վիրաբուժական հիվանդություններ

Գիտաժողովի ծրագիրը հաստատվել է ՀՀ առողջապահության նախարարի հրամանով: Մասնակիցներին շնորհվելու է շարունակական մասնագիտական զարգացման 11 կրեդիտ:

Գիտաժողովի շրջանակներում կանցկացվի նաեւ երիտասարդ մասնագետների կողմից ներկայացվող կլինիկական դեպքերի մրցույթ՝ «Ես եմ Անկախության սերունդը» խորագրով՝ նվիրված ՀՀ Անկախության 25 ամյակին:

Գիտաժողովին մասնակցությունն անվճար է:

Անցկացման վայրը՝ Best Western Congress Hotel:

Լրացուցիչ տեղեկությունների համար զանգահարել՝ 093787793; 099415001 հեռախոսահամարներով:

Հետևեք NEWS.am Medicine-ին Facebook-ում և Twitter-ում