• Latest news

Ռոբոտն առաջին անգամ աչքի վիրահատություն է կատարել

17 սեպտեմբերի, 2016  12:04

Օքսֆորդի համալսարանի վիրաբույժները John Radcliffe Hospital կլինիկայում ռոբոտացված մեխանիզմով (Robotic Retinal Dissection Device (R2D2) իրականացրել են աշխահում առաջին աչքի վիրահատությունը: Հիվանդը 70-ամյա Ուիլյամ Բիվերն է եղել: Առաջիկայում այս համակարգի օգտագործմամբ պլանավորվում է վիրահատել եւս 12 հիվանդի:

Բիվերը էպիրետինալ մեմբրան ուներ. աջ աչքի ցանցաթաղանթի մակերեսին ձեւավորվել էր թաղանթ, որի պատճառով նա պատկերներն աղավաղված էր տեսնում: Տեսողությունը վերականգնելու համար պետք էր հեռացնել շատ բարակ թաղանթը՝ 0.01 մմ, եւ չվնասել ցանցաաթաղանթը:

R2D2-ը ունի 7 օգնական սարք, որոնց աշխատանքը կառավարում է համակարգիչը: Սարքը կարող է փոքր մակերեսի վրա կատարել բոլոր անհրաժեշտ հնարքները: Ակնախնձորն այդ ընթացքում չի անշարժացվում:

Ռոբոտացված համակարգն ունի բժշկի ձեռքերի դողը շտկող մեխանիզմ, որը կառավարում է ռոբոտը: Դա պակաս կարեւոր չէ, քանի որ ցանկացած սխալ շարժում կարող է անդառնալի հետեւանքներ ունենալ:

Վիրահատությունն իրականացրել են Ռոբերտ ՄաքԼարենը եւ Թոմաս Էդվարդսը: Նրանք պատմել են, որ ռոբոտը պատրաստվել է 2 տարում: Սա առաջին սարքն է, որը թույլ է տալիս նման գերճշգրիտ հնարքներ իրականացնել: Հիվանդը պատմել է, որ իրեն լավ է զգում, եւ տեսողությունը վերականգնվել է: Նա հպարտ է, որ դարձել է նման վիրահատություն անցած առաջին հիվանդը:

Հետազոտողները կարծում են, որ R2D2-ը կարող է օգտագործվել ոչ միայն էպիրետինալ մեմբրանի հեռացման համար, այլ նաեւ ուրիշ, ավելի բարդ վիրահատությունների:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է