Օտարերկրացի հայտնի մասնագետը պրենատալ ախտորոշման թեմայով դասընթաց կանցկացնի Երեւանում

Մայիսի 20-ին եւ 21-ին Երեւանում, «ԴաբլԹրի Բայ Հիլթոն Երեւան» հյուրանոցում, տեղի կունենա Հայաստանի մանկաբարձ-գինեկոլոգների եւ նեոնատոլոգների ասոցիացիայի եւ Մանկաբարձությունում եւ գինեկոլոգիայում ուլտրաձայնային ախտորոշման հայկական ասոցիացիայի կողմից կազմակերպվող «Պտղի էխոկարդիոգրաֆիա» թեմայով հեղինակային դասընթաց:

Դասընթացը վարելու է պրենատալ ախտորոշման ասպարեզում ակնառու գիտնական Ֆիլիպ Ջենտին, ով Հայաստանում է ՀՀ Առաջին տիկին Ռիտա Սարգսյանի հրավերով եւ աջակցությամբ: Դասընթացի ծրագիրը հաստատվել է ՀՀ առողջապահության նախարարի հրամանով, մասնակիցներին կշնորհվի 14 տեսական եւ 6 գործնական ՇՄԶ կրեդիտ, կտրվեն վկայականներ:

Հետևեք NEWS.am Medicine-ին Facebook-ում և Twitter-ում