Երեխայի ինտելեկտը հնարավոր է որոշել նրա տակդիրի պարունակությամբ

Ըստ օգտագործված մանկական տակդիրի կարելի է կանխատեսել, թե երեխայի ինտելեկտը որքան զարգացած կլինի, հայտարարել են Հյուսիսային Կարոլինայի համալսարանի գիտնականները:

Գիտնականներն այս նպատակով վերցրել են մեկ տարեկան երեխաների կղանքի 89 նմուշ, իսկ մեկ տարի հետո երեխաների կոգնիտիվ հատկությունները հետազոտել են վաղ ուսուցման Մալեն թեստի միջոցով: Հետազոտության արդյունքները հրապարակվել են Biological Psychiatry ամսագրում:

Պրոֆեսոր Ռեբեկա Նիկմայերի լաբորատորիայի գիտնականները երեխաներին 3 խմբի են բաժանել՝ ըստ մանրէային համակեցությունների նմանության: Մեկ տարի հետո ստուգել են նրանց փոքր եւ մեծ շարժողականությունը, ընկալման եւ խոսքի հմտությունները: Պարզվել է, որ բակտերոիդների դասի բակտերիաների համեմատաբար բարձր մակարդակ ունեցող երեխաներն օժտված են կոգնիտիվ ավելի լավ ընդունակություններով՝ մյուս երկու խմբերի համեմատությամբ:

Դրանից բացի, հաստատվել է, որ ավելի տարատեսակ աղիքային միկրոբիոմով երեխաները խնդիրներն այնքան էլ լավ չեն հաղթահարում, ինչպես նրանք, ում մոտ միկրոբիոմն ավելի միատարր է: Գիտնականները պնդում են, որ եզրակացություններ կատարելու համար դեռեւս վաղ է, սակայն ապագայում, հնարավոր է, իրենց հաջողվի կյանքի առաջին տարիներին երեխաների զարգացման վրա ինքնուրույն ազդել:

Հետևեք NEWS.am Medicine-ին Facebook-ում և Twitter-ում