Ռուս մասնագետներն աշխատում են ծխախոտային արտադրանքի եւ դրանց արտազատած նյութերի կազմի վերաբերյալ հաշվետվության վրա: Զեկույցը ներկայացվելու է ԵՏՄ անդամ պետությունների առողջապահական մարմիններին, եւ այն ենթադրում է ծխախոտային արտադրանքի բաղադրության լիարժեք բացահայտում: Այս մասին 3-րդ հայ-ռուսական առողջապահական համաժողովի շրջանակներում հայտարարել է Ռուսաստանի առողջապահության նախարար Վերոնիկա Սկվորցովան:
«Մենք մինչ օրս չգիտենք, թե ինչ չափաբաժնով եւ ինչ բաղադրիչներ են պարունակում կոնկրետ ծխախոտային արտադրատեսակները, որոնցից էլ կախված է ծխախոտի ազդեցությունը մարդու օրգանիզմի վրա: Մենք այս հարցով Հայաստանի առողջապահության նախարարության աջակցությունն ենք ակնկալում», - ասել է Սկվորցովան:
Նա ավելացրել է, որ մաքսային միության շրջանակներում, Ռուսաստանի մասնագետները Հայաստանի գործընկերների հետ միասին մասնակցում են ծխախոտի արդյունաբերության տեխնիկական կարգավորման վերաբերյալ նորմատիվ ակտերի մշակման ուղղությամբ: Դեռ անցյալ տարի մշակվել է ծխախոտի արտադրանքի վտանգների մասին նախազգուշացումների նախագիծը եւ դրանց կիրառումը ծխախոտի ապրանքային փաթեթավորման վրա: Արդեն այս տարի այդ նախազգուշացումները կտեղադրվեն ծխախոտի տուփերի առջեւի եւ հետեւի մասում եւ կզբաղեցնեն փաթեթավորման առնվազն 50 տոկոս ը:
Նշենք, որ Վերոնիկա Սկվորցովան Հայաստան է եկել հայ–ռուսական 3–րդ առողջապահական համաժողովին մասնակցելու համար։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր