Կաթվածների զարգացման հավանականությունը մեծացնում են վտանգի այնպիսի գործոնները, ինչպիսին են՝ արյան բարձր ճնշումը, սրտային հիվանդությունները, դիաբետը, ծխելը, ալկոհոլի եւ թմրանյութերի օգտագործումը, ճարպակալումը եւ ոչ առողջ սննդակարգը: Սակայն կան վտանգի նաեւ այլ գործոններ, որոնց շատերն անտեղյակ են:
Պարզվում է՝ կանայք ավելի հաճախ են կաթվածով տառապում, քան տղամարդիկ, ավելին՝ կաթվածների հետեւանքով մահացությունը իգական սեռի հիվանդների շրջանում ավելի բարձր է, քան արական սեռի հիվանդների: Նոր հետազոտության հեղինակ, Բրիգեմի Կանանց հիվանդանոցի (ԱՄՆ) բժիշկ Քեթրին Ռեքսորդը պնդում է, որ կանայք որպես սիրտ-անոթային հիվանդությունների առաջին դրսեւորում կաթված ստանալու ավելի մեծ հավանականություն ունեն:
Բժիշկ Ռեքսորդը եւ նրա թիմը եզրակացրել են, որ կանանց մոտ առկա են հետեւյալ յուրահատուկ նշանները, որոնք ցույց են տալիս կաթվածի մեծ հավանականությունը.
Գիտնականների կարծիքով՝ որպես կաթվածի վտանգի գործոն լրացուցիչ հետազոտություն է պահանջում նաեւ տրանսդերմալ էստոգենային կամ պրոգեստոգենային հակաբեղմնավորիչների օգտագործումը:
Ըստ նշված չափորոշիչների՝ ռիսկի խմբի մեջ մտած կանանց գիտնականները խորհուրդ են տալիս իրենց ճնշմանն ուշադրությամբ հետեւել: Նրանց համար հատկապես կարեւոր է բացառապես առողջ կենսակերպին հետեւելը, որ նվազեցնեն հիպերտոնիայի եւ դրան հաջորդող կաթվածի զարգացման հավանականությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր