• Latest news

ԱՀԿ-ն զգուշացրել է «Իքս հիվանդության» հնարավոր գլոբալ համաճարակի մասին

12 մարտի, 2018  14:23

Առողջապահության համաշխարհային կազմակերպությունը (ԱՀԿ) նախազգուշացրել է նոր գլոբալ համաճարակի մեծ հավանականության մասին:

Կազմակերպությունից հայտնում են, որ ներկայումս գիտնականները հետազոտում են առավել տարածված ախտածինները, որոնք կարող են հիվանդությունների բռնկում առաջացնել: Դրանք կարող են լինել ինչպես մարդկությանն արդեն հայտնի հիվանդությունները, օրինակ՝ վիրուսային հեմոռագիկ տենդերը, ինչպիսին են Էբոլան եւ Լասսան, այնպես էլ դեռեւս չնույնականացված վիրուսները:

Կան, այսպես կոչված, «Իքս հիվանդության» դրսեւորման բավականաչափ աղբյուրներ. դա ե՛ւ մշտապես փոփոխվող հայտնի վարակներն են, ինչպիսին է Զիկա վիրուսը, ե՛ւ զոոնոզային վարակները, որոնք մարդուն են փոխանցվում կենդանիներից: Սպառնալիք են ներկայացնում նաեւ արհեստականորեն ստեղծված վիրուսները՝ կենսաբանական զենք, որոնք կարող են լաբորատորիաներից գողանալ:

Գիտնականներն արդեն քննարկում են ու միջոցներ մշակում «Իքս հիվանդության» դեմ պայքարի համար, որպեսզի ցանկացած սպառնալիքի արագ արձագանքեն: Այլապես, զգուշացնում են ԱՀԿ փորձագետները, նոր համաճարակը կարող է մարդկության համար նույնքան մահաբեր լինել, ինչպես 20-րդ դարասկզբին իսպանկան: 1918-1919  թվականներին գրիպի զանգվածային համաճարակի հետեւանքով մահացել է մի քանի տասնյակ միլիոն մարդ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել