Ստելենբոշի համալսարանի գիտնականներն արյան նոր անալիզ են մշակել, որի օգնությամբ հնարավոր է կանխատեսել տուբերկուլյոզի զարգացման վտանգը: Մասնագետների խոսքով՝ թեստը կարող է օգտագործվել ակտիվ տուբերկուլյոզով հիվանդների հետ ապրող մարդկանց մոտ այդ հիվանդության առաջացման զտանգը կանխատեսելու համար:
Հետազոտությանը 4466 կամավոր է մասնակցել: Մասնագետները հետազոտել են նրանց արյան նմուշները եւ պարզել, որ RISK4 խմբից չորս ակտիվ գեներով մարդկանց մոտ 2 տարվա ընթացքում տուբերկուլյոզի ակտիվ ձեւով հիվանդանալու վտանգը մեծ է եղել:
Մշակված թեստը հաշվի է առնում հիվանդության միանգամից մի քանի մարկեր, ինչը բարձրացնում է հուսալիությունն ու ճշգրտությունը: Հետազոտողները հույս ունեն, որ նոր անալիզը բժիշկներին թույլ կտա կենտրոնանալ ամենաբարձր ռիսկային խմբում գտնվողների մոտ տուրբերկուլյոզի կանխարգելման ուղղությամբ:
Տուբերկուլյոզը տարածված հիվանդություն է, որը տարեկան շուրջ 2 մլն մարդու մահվան պատճառ է դառնում: Ամբողջ աշխարհում տուբերկուլյոզի հարուցիչ Կոխի ցուպիկով վարակված է ավելի քան 1,7 մլրդ մարդ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր