Անպտուղ տղամարդկանց շրջանում մեծ է շագանակագեղձի ագրեսիվ քաղցկեղի զարգացման վտանգը

Անպտուղ տղամարդիկ, որոնք արտամարմնային բեղմնավորման ընթացքում ստիպված են եղել ենթարկվել, այսպես կոչված, սերմնաբջիջների ինտրացիտոպլազմատիկ ներարկման (ICSI՝ IntraCytoplasmic Sperm Injection) միջամտության, մյուսներից ավելի հաճախ են բախվել շագանակագեղձի քաղցկեղի վաղ զարգացման հետ: Այսպիսի եզրահանգում են կատարել Լունդսի համալսարանի գիտնականները՝ վերլուծելով Շվեդիայում բոլոր հայրերի եւ 1994-2014 թվականներին ծնված նրանց երեխաների առողջական վիճակի մասին տվյալները:

ICSI միջամտություն կարող է անհրաժեշտ լինել, եթե տղամարդու սերմնաբջիջները բավականաչափ ակտիվ չեն կամ չափազանց քիչ են: Այս գործողության ժամանակ բժիշկները արհեստականորեն սերմնաբջիջը ներարկում են ձվաբջջի մեջ: Պարզվել է, որ տղամարդիկ, որոնց սերմնաբջիջներով նման մանիուլյացիաներ են անցկացրել, 35 տոկոսով ավելի հաճախ են տառապում շագանակագեղձի քաղցկեղով, քան նրանք, ովքեր կարողացել են երեխա բեղմնավորել բնական ճանապարհով:

ICSI-ն արտամարմնային բեղմնավորման մաս է, սակայն անցկացվում է միայն տղամարդկանց մոտ անպտղության ախտորոշման դեպքում: Գիտնականները հայտնաբերել են, որ ԱՄԲ-ն ինքնին ոչ մի կերպ չի համահարաբերակցվում շագանակագեղձի քաղցկեղի վտանգի հետ: Քաղցկեղի մեծ հավանականությունը գրանցվել է միայն նրանց շրջանում, ովքեր բեղմնավորման համար ստիպված էին ICSI-ի դիմել:

Հետևեք NEWS.am Medicine-ին Facebook-ում և Twitter-ում