Նոր պրոտեինը կարող է նպաստել նոպայից հետո սրտի վերականգնմանը

Նոր սպիտակուցը կարող է նպաստել նոպայից հետո սրտի վերականգնմանը: Այսպիսի եզրակացության են հանգել Օքսֆորդի համալսարանի գիտնականները, որոնք հետազոտության շրջանակում կրծողներին սպիտակուց են ներարկել, որը գործարկել է սրտի վերականգնմանը նպաստող պրոցեսը:

Սրտի նոպայի ժամանակ թթվածնով հագեցած արյունը դադարում է սիրտ մատակարարվել, ինչի հետեւանքով սրտի բջիջները սկսում են մահանալ: Ի պատասխան իմունային համակարգը բջիջներ է ուղարկում վնասված հատված՝ սրտի մեռած բջիջները հեռացնելու համար:

Սակայն երկարատեւ ակտիվության ավելցուկի դեպքում իմունային բջիջները բորբոքում են առաջացնում, ինչը բերում է սպիավոր հյուսվածքի ձեւավորման, սրտի աշխատանքի խանգարման եւ սրտային անբավարարության: Իր հերթին, սրտի նոպայից հետո VEGF-C սպիտակուցի ներարկումը նպաստել է լիմֆատիկ անոթների ցանցի աճին: Այս անոթներըն օգնել են դուրս բերել բջջային աղբը եւ իմունային բջիջներն այն բանից հետո, երբ դրանք ավարտել են իրենց հիմնական աշխատանքը:

Այսինքն՝ իմունային բջիջները վնասված հատվածում բավականին երկար են գտնվել, որպեսզի սրտին օգնեն վերականգնվել, սակայն ոչ չափից ավելի երկար, որ գործարկեին քայքայման մեխանիզմը: Այսպիսով, իմունային բջիջների աշխատանքը ժամանակին արգելակելով՝ գիտնականները սրտին հնարավորություն են տվել գործնականում ամբողջությամբ վերականգնել կծկվելու իր ունակությունը:

Համեմատության համար՝ լաբորատոր մկների մոտ, որոնց սպիտակուց են ներարկել, սրտի ֆունկցիան գրեթե կիսով չափ նվազեցված էր:

Հետևեք NEWS.am Medicine-ին Facebook-ում և Twitter-ում