• Latest news

Հայաստանի տարբեր մարզերում գրանցվում են աֆրիկյան ժանտախտից խոզերի անկման դեպքեր. փորձագետ

7 օգոստոսի, 2018  18:01

Միջազգային փորձագետ Գրիգոր Գրիգորյանը իրավասու մարմնին կոչ է անում խոզերի աֆրիկյան ժանտախտի մասին ապատեղեկատվություն չտարածել:

Օգոստոսի 7-ին մամուլի ասուլիսի ժամանակ Գրիգորյանը նշեց, որ Հայաստանի տարածքում աֆրիկյան ժանտախտը տարածվել է 2007 թվականին, եւ այսօրվա դրությամբ հանրապետության տարբեր մարզերում գրանցվում են այս հիվանդությունից խոզերի անկման դեպքեր: «Այլ հարց է, որ այդ մասին հրապարակայնորեն չեն խոսում»,- նշեց նա:

Նրա խոսքով՝ խոզերի աֆրիկյան ժանտախտի մասին պաշտոնական աղբյուրները տեղեկություններ են տարածում, որոնք մասնագիտական տեսանկյունից անընդունելի են: «Հայտարարվում է այն մասին, որ Հայաստանի տարածքում չի հայտնաբերվել խոզերի աֆրիկյան ժանտախտ: Սակայն 2007, 2008, 2010 եւ 2011 թվականներին Հայաստանը Կենդանիների առողջապահության համաշխարհային կազմակերպությանը պաշտոնապես իրազեկել է այս հիվանդության բռնկումների գրանցման մասին»,- հայտարարեց նա:

Նրա խոսքով՝ ապատեղեկատվության տարածումը պետք է կանխի իրավասու մարմինը, ինչպես նաեւ լրատվամիջոցները: «Երբ հայտարարում են, որ Հայաստանում աֆրիկյան ժանտախտ չի հայտնաբերվել, ապա դա ապատեղեկատվություն է, որը բթացնում է գյուղացիների աչալրջությունը»,- նշեց փորձագետը՝ հավելելով, որ դրանով իսկ նվազում է խոզերի ազատ արածելու, կերի անվտանգության նորմերի եւ այլնի վերահսկողությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է