• Latest news

Սպիտակ աղմուկը վտանգավոր է ականջի օրգանների համար

8 սեպտեմբերի, 2018  12:15

Սպիտակ աղմուկը վտանգավոր է ականջի օրգանների համար: Այսպիսի եզրահանգման են եկել նեյրոկենսաբան Մունա Աթթարհան եւ Սան Ֆրանցիսկոյի Քալիֆորնիական համալսրանի (ԱՄՆ) գիտնականները:

Ինչպես հայտնում է Science Alert պարբերականը, սպիտակ աղմուկը հաճախ օգտագործվում է տինիտուսի՝ ականջներում զնգոցի կամ աղմուկի բուժման համար, որը կապված չէ արտաքին աղբյուրի հետ: Դրա առաջացման պատճառներ կարող են լինել ծծումբի խցանումը կամ ուղեղի նեյրոդեգեներատիվ հիվանդությունները: Նրանք, ովքեր չեն կարողանում քնել գլխում մշտական զնգոցի պատճառով, հաճախ դիմում են սպիտակ աղմուկի մեթոդին, այսինքն՝ ջրվեժի, անձրեւի, տերեւների սոսափյունի ձայների ձայնագրության ունկնդրմանը:

Գիտնականները վերլուծել են գիտական հոդվածները, որոնցում ներկայացվել են կենդանիների վրա սպիտակ աղմուկի ազդեցության ստուգման փորձերի արդյունքները: Պարզվել է, որ ոչ վնասվածքային աղմուկի երկարատեւ ազդեցությունը կենտրոնական լսողական նյարդային համակարգում պաթոլոգիական փոփոխություններ է առաջացնում: Ընդ որում՝ այս երեւույթը դիտվել է 60-70 դեցիբել բարձրության մակարդակի դեպքում, որն անվտանգ է համարվում:

Բանն այն է, որ սպիտակ աղմուկը նպաստում է նեյրոնների արգելակման նվազմանը՝ վատթարացնելով ոչ անհրաժեշտ տեղեկատվության զտման ունակությունը:

Միաժամանակ, գիտնականներն ընդունում են, որ ստացած տեղեկությունները անհրաժեշտ է հաստատել մարդկանց մասնակցությամբ նոր փորձերով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է