Tufts University-ի գիտնականները մարդու ցողունային բջիջներից աճեցրել են այսօր ամենակատարյալ նեյրոցանցերից մեկը: Սա եռաչափ մոդել է, որը, գիտնականների խոսքով, «նմանակում է ուղեղի կառուցվածքային եւ ֆունկցիոնալ որակները եւ նեյրոնային ակտիվություն ցուցադրում»:
Նեյրոցանցի այս տարբերակը հաջողվել է ստանալ անցած տարիների մշակումների զարգացման շնորհիվ: Այդ ժամանակ գիտնականներն աճեցրել էին գլխուղեղի եռաչափ մոդել՝ օգտագործելով ինդուկցված պլյուրիպոտենտ ցողունային բջիջներ: Սա հնարավորություն է տվել ստեղծելու հյուսվածքների եւ նյարդային բջիջների տարբեր տեսակներ, որոնք փոխազդել են այնպես, ինչպես իսկական գլխուղեղում: Իսկ հիմա մասնագետները հավելել են ֆիբրինի եւ ֆիբրինոգենի թելերից հենք, ըստ որոնց տեղի է ունենում բջիջների տեղաբաշխումը:
Նոր մոտեցման շնորհիվ հնարավոր է պլյուրիպոտենտ ցողունային բջիջներն անմիջապես ինտեգրել եռաչափ կառուցվածքին՝ շրջանցելով նեյրոնային դիֆերանցացման նախկին փուլերը եւ ստանալով երկարակյաց կուլտուրաներ:
Մասնագետների խոսքով՝ բժիշկները եւ գիտնականները նման նեյրոցանցերի շնորհիվ կկարողանան նոր դեղերն ավելի արդյունավետ եւ ավելի արագ թեստավորել, ինչպես նաեւ հետազոտել նեյրոդեգեներատիվ հիվանդությունները:
Այս մշակումը ներկայացված է ACS Biomaterials Science & Engineering գիտական ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր