Գիտնականները ներկայացրել են արհեստական հոդի օգտագործմամբ պրոթեզավորման մեթոդը (տեսանյութ, ֆոտո)

Գիտնականներին հաջողվել է մշակել արհեստական հոդ, որը միանում է հիվանդի նախաբազկին: Այս տեխնոլոգիան թույլ է տալիս ձեռքով պտտվող գործողություններ կատարել՝ լավացնելով սահմանափակ հնարավորություններով մարդու կյանքի որակը:

Առաջին փուլում իմպլանտները դնում են նախաբազկի ոսկորների մեջ: Դրանից հետո դրանք ամրացվում են արհեստական հոդին, որը միացած է ձեռքի պրոթեզի հետ: Դրա շնորհիվ հաշմանդամություն ունեցող մարդն, օրինակ, կարող է բացել դուռը կամ բանալին պտտել: Առաջին հայացքից այս պարզ գործողությունները դժվար հասանելի են սովորական պրոթեզների դեպքում:

Փորձարկումների ընթացքում արհեստական հոդ օգտագործող հիվանդները ճարպկության թեստերում ավելի բարձր արդյունքներ են ցուցադրել՝ նրանց համեմատությամբ, ովքեր ավանդական պրոթեզներ ունեին:

Գիտնականների մշակման մասին հոդվածը հրապարակվել է IEEE Transactions on Neural Systems & Rehabilitation Engineering պարբերականում:

Sourse: CHALMERS

Հետևեք NEWS.am Medicine-ին Facebook-ում և Twitter-ում