Հայտնի լետրոզոլ դեղը, որը նշանակվում է կրծքագեղձի քաղցկեղի դեպքում, ազդում է ուղեղի եւ հիշողության աշխատանքի վրա:
The Daily Mail-ը հաղորդում է, որ Բրիտանիայում միայն անցյալ տարի տվյալ դեղով ավելի քան 755 հազար դեղատոմս է նշանակվել:
Ավելի վաղ նշվում էր, որ լետրոզոլի ընդունումը հոգնածություն է առաջացնում, սակայն Տորոնտոյի համալսարանի նոր հետազոտությունները ցույց են տալիս, որ բարդությունները կարող են ավելի լուրջ լինել:
Կապիկների վրա փորձերը ցույց են տվել, որ դեղը, ընդունելուց 4 շաբաթ անց, արդեն ազդում է գլխուղեղի հիպոկամպում բջիջների գործառույթների վրա: Բացասական ազդեցությունը հայտնաբերվել էր պրիմատների մասնակցությամբ հիշողության թեստերի անցկացման ժամանակ:
Լետրոզոլը հիմնականում նշանակվում է վիրահատությունից կամ քիմիաթերապիայից հետո՝ քաղցկեղի վերսկումը կամ տարածումը կանխելու համար: Դեղը կարող է դեպրեսիա, անքնություն եւ մոռացկոտություն առաջացնել:
Փորձին ներգրավված կապիկների մոտ անհանգստություն եւ աշխատունակության նվազեցում է նաեւ նկատվել:
Մինչդեռ գիտնականները մատնանշում են հետագա հետազոտություններ անցկացնելու անհրաժեշտությունը՝ հաշվի առնելով այն, որ լետրոզոլը բարձրացնում է կրծքագեղձի քաղցկեղով հիվանդների ապրելու հավանականությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր