• Latest news

Ինչ հիվանդություններ կարող են առաջանալ էլեկտրոնային ծխախոտներից

22 հունվարի, 2019  22:36

Ավելի ու ավելի շատ վտանգներ են ի հայտ գալիս վեյպերի /էլեկտրոնային ծխախոտներ/ հետ կապված: Եթե նախկինում դրանք համարվում էին ավելի անվտանգ, քան սովորական ծխախոտը, այսօր դրանց անվտանգությունը լուրջ կասկածի տակ է դրվում:


Ինչպես պարզվել է, վեյպերի օգտագործումը մեծացնում է բերանի քաղցկեղի առաջացման վտանգը, ճիշտ այնպես, ինչպես սովորական ծխախոտների կիրառման դեպքում: Վեյպերից եկող գոլորշին նաեւ ազդում է արյունատար անոթների վրա՝ երակների եւ զարկերակների պատերը բարակեցնելով՝ այդպիսով, հանգեցնելով ծանր սրտային հիվանդությունների զարգացմանը:


Բացի դա, հակառակ ժողովրդի մեջ տարածված համոզմունքների, գոլորշի արձակիչները չեն օգնում հրաժարվել իրական ծխախոտից, ընդհակառակը, շատերը համատեղում են էլեկտրոնային ծխախոտը սովորական ծխախոտի հետ: Մեկ շաբաթ, մեկ ամիս եւ 60 օր էլեկտրոնային ծխախոտ շնչած առնետների վրա իրականացված փորձարկումները թոքերի վիճակի վատթարացման եւ գոլորշի արձակիչների օգտագործման ժամկետների միջեւ ուղղակի կապ բացահայտեցին , այն դեպքում, երբ նրանց տրվել էր առանց նիկոտինի հեղուկ։


Գիտնականները կարծում են, որ առողջության վրա վեյպերի բացասական ազդեցությունը պայմանավորված է դրանց մեջ պրոպիլենգլիկոլի եւ գլիցերինի առկայությամբ: Դրանք գրգռում են շնչուղիները, աչքերը եւ վնասում են կենտրոնական նյարդային համակարգը:


Վեյպերի համար աէրոզոլներում նաեւ հայտնաբերվել է անագի, նիկելի, պղնձի, կապարի, քրոմի մեծ քանակություն․ ընդ որում, դրանց պարունակությունը տասն անգամ ավելի բարձր է, քան սովորական ծխախոտներում նշված քիմիական նյութերի եւ միացությունների քանակությունը: Այսպիսով, տաքացնող տարրը հանգեցնում է վնասակար նանոտարրերի ներթափանցմանը թոքային խոռոչների մեջ, ինչի հետեւանքով առաջանում է տեղային թունավոր ազդեցություն: Դրանից հետո զարկերակներն արյան միջոցով նիկելը եւ քրոմը տարածում են ամբողջ օրգանիզմով մեկ:


Առողջության պահպանման համար մասնագետները խորհուրդ են տալիս հրաժարվել վեյպեր, ինչպես նաեւ սովորական ծխախոտներ ծխելուց։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է