• Latest news

Հղիության ժամանակ բարդությունները մեծացնում են երեխայի սրտի հետ կապված խնդիրների առաջացման վտանգը

28 հունվարի, 2019  09:35

Հղիության ժամանակ բարդությունները մեծացնում են երեխայի սրտի հետ կապված խնդիրների առաջացման վտանգը: Այսպիսի ոչ մխիթարական եզրակացություն են կատարել Քեմբրիջի համալսարանի գիտնականները:

Սիրտ-անոթային հիվանդությունների զարգացման վտանգի գործոններն են ծխելը, ճարպակալումը եւ/կամ նստակյաց կենսակերպը, ինչպես նաեւ գեների փոխգործակցությունը շրջապատող միջավայրի հետ: Մինչդեռ նոր հետազոտությունները վկայում են այն մասին, որ ներարգանդային քրոնիկական հիպոքսիան նույնպես կարող է բացասական ազդեցություն ունենալ երեխայի սրտի վրա: Այն կարող է առաջանալ հղիության ժամանակ կնոջ ծխելու պատճառով, գեստացիոն դիաբետի կամ պրեէկլամպսիայի հետեւանքով:

Գիտնականները ոչխարների վրա կատարած փորձերով պարզել են, որ հակաօքսիդանտով՝ С վիտամինով բուժումը կարող է ծանր հղիության ժամանակ երեխային պաշտպանել հիպերտոնիայից եւ սրտի հիվանդություններից, քանի որ մեծացնում է ընկերքի միջոցով թթվածնի մատակարարումը:

Գիտնարաններն ընդունում են, որ այս բուժման արդյունավետությունը այնքան էլ մեծ չէ, ինչպես ցանկալի կլիներ, քանի որ C վիտամինի հակաօքսիդանտային հատկությունները բավարար արտահայտված չեն: Սրա հետ կապված նշվում է, որ հետագա հետազոտություններ են անհրաժեշտ՝ ուղղված այլընտրանքային տարբերակների որոնմանը:

Հետազոտության արդյունքները ներկայացնող գիտական հոդվածը հրւապարակվել է PLOS Biology պարբերականում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է