Անվասայլակին գամված փեսացուն ոտքի է կանգնել հանուն հարսնացուի հետ առաջին պարի (վիդեո)

Հուզիչ դեպք պատահեց բրազիլական Կույաբե քաղաքում։ 5 տարի առաջ մոտոցիկլով վթարի ենթարկվելու հետեւանքով գոտկատեղից ներքեւ հաշմված 36-ամյա Հյուգո Ռոլինգը անակնկալ է արել հարսնացուի՝ Սինթիայի համար։

Ինչպես տեղեկացնում է New York Post-ը, հարսանեկան հանդիսության ժամանակ Հյուգոն եւ Սինթիան պետք է կատարեին իրենց առաջին պարը Սեմ Սմիթի «Make It To Me» երգի ներքո։ Փեսացուն մի քանի պարային շարժում կատարեց՝ նստած հաշմանդամի սայլակին, բայց շուտով նրա եղբայրը եւ հայրը տեղ զբաղեցրին նրա կողքին ու իրենց ոտքերը փոկերով կապեցին տղայի ոտքերին։ Հետո փեսացուն գրկեց հարազատներին, եւ նրանք երեքով ոտքի կանգնեցին։

Այս փոքրիկ խորամանկությունն օգնեց Հյուին պարն ավարտել սիրեցյալի հետ։ Սիրո հաղթանակը հաշմանդամության հանդեպ մեծ արձագանք է գտել ինտերնետ օգտատերերի շրջանում, իսկ պարի տեսահոլովակը ավելի քան 16 մլն դիտում է հավաքել։ Բացի այդ, նորապսակներին իրենց շնորհավորանքներն են ուղարկել դերասան եւ հաղորդավար Ջեյմս Քորդենը, երգիծական դերասան Թրեւոր Նոան։ «Աստված իմ։ Սա ամենահիանալի բանն էր, որ տեսել եմ այսօր»,- նշել է Քորդենը։ «Չկարողացա արցունքներս զսպել վիդեոն նայելիս»,- գրել է Նոան։

Հետևեք NEWS.am Medicine-ին Facebook-ում և Twitter-ում