Մատիտը քիչ մնաց ծակեր աղջկա քներակը, որն ընկել էր դասամիջոցին

Մատիտը քիչ էր մնացել ծակեր 11-ամյա աղջկա քներակը, որն ընկել էր դպրոցական դասամիջոցի ժամանակ։ Սրածայր մատիտը խոցել էր նրա պարանոցը, եւ տուժածին անմիջապես հիվանդանոց էին տեղափոխել։

Ինչպես ասվում է BMJ-ում հրապարակված հաշվետվությունում, միջադեպը տեղի էր ունեցել Տորոնտոյում։ Տուժած աղջկա մոտ, որի անունը չի նշվում, հայտնաբերվել է ձախ ընդհանուր քներակի օբստրուկցիա, այդ երակն արյամբ է ապահովում գլուխն ու պարանոցը։ Վիրահատությունից առաջ աղջիկը հակաբիոտիկներ էր ընդունել եւ դեղամիջոցներ, որոնք ջրիկացնում են արյունը։ Բարեբախտաբար, վիրաբուժական միջամտությունը հաջող անցավ։

Հաջորդ երեք օրերին դեռահասը պարբերաբար բուժզննման էր ենթարկվում, այդ թվում անոթների դուպլեկս սքանավորում եւ ուլտրաձայնային հետազոտություն։ Նշվում է, որ նորմայից ոչ մի շեղում չի հայտնաբերվել։

Հետևեք NEWS.am Medicine-ին Facebook-ում և Twitter-ում