• Latest news

Կրծքագեղձի քաղցկեղի հայտնաբերման նոր անալիզը կօգնի խուսափել հազար ոչ անհրաժեշտ վիրահատություններից

10 օգոստոսի, 2019  16:37

Կրծքագեղձի քաղցկեղի հայտնաբերման արյան ինովացիոն անալիզը կօգնի խուսափել հազար ոչ անհրաժեշտ վիրահատություններից, ինչպես նաեւ հիվանդությունը կառավարել տարբեր փուլերում: Այսպիսի հայտարարությամբ է հանդես եկել հետազոտողների միջազգային խումբը:

Նոր մեթոդը ստացել է TARDIS անվանումը եւ իրենից ներկայացնում է «հեղուկ բիոպսիա», որը նույնականացնում եւ հայտնաբերում է շրջանառվող ուռուցքային ԴՆԹ-ն (ctDNA): TARDIS-ի զգայունությունը 100 անգամ գերազանցում է ctDNA-ի ստուգման գոյություն ունեցող այլ արյան անալիզների ցուցանիշներին:

Փորձի շրջանակում TARDIS-ը կիրառվել է արյան 80 նմուշների համար, որոնք վերցվել էին տարբեր փուլերում գտնվող կրծքագեղձի քաղցկեղով կանանցից: Արդյունքում անալիզը ctDNA-ն հայտնաբերել է յուրաքանչյուր պացիենտի մոտ, ընդ որում՝ դեռեւս մինչեւ բուժում սկսելը:

Հետազոտության հեղինակներից մեկը՝ բրիտանական Cancer Research UK կազմակերպությունից պրոֆեսոր Կառլոս Կալդասը, նշում է. «TARDIS-ի զգայունությունը չափազանց կարեւոր է բուժման դադարեցման կամ փոփոխման տեսանկյունից»:

Անալիզի արդյունավետության հաստատման համար նախատեսվում է անցկացնել ավելի քան 200 պացիենտի մասնակցությամբ ծավալուն հետազոտություն:

Աշխատանքի արդյունքներով գիտական հոդվածը ներկայացվել է Science Translational Medicine պարբերականում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է