• Latest news

Ինչպե՞ս պաշտպանվել ծերունական տկարամտությունից

12 օգոստոսի, 2019  13:34

Ֆրանսիայից, Մեծ Բրիտանիայից եւ Ֆինլանդիայից  մի խումբ գիտնականներ հայտնել են ծերունական տկարամտությունը կանխելու մեթոդի մասին:

Իրենց աշխատանքում հետազոտողները հիմնվել են սրտանոթային համակարգի հիվանդությունների վտանգի գործոնների նվազեցման Life Simple 7 ծրագրի վրա, որը մշակվել է  Ամերիկյան Սրտաբանական ասոցիացիայի կողմից:

Այդ գործոնները 7-ն են՝ ծխել, սննդաբաժին, ֆիզիկական ակտիվություն, մարմնի զանգվածի ինդեքս, արյան մեջ գլյուկոզայի և խոլեստերինի մակարդակի, ինչպես նաև արյան ճնշման ցուցանիշներ:

Գիտնականները որոշել են պարզել՝ կա արդյոք կապ սրտանոթային համակարգի եւ ծերունական տկարամատության միջեւ:

Դրա համար Life Simple 7 համակարգով գնահատվել են 50 տարեկան մարդկանց սրտանոթային համակարգի առողջության ցուցանիշները, ինչպես նաեւ հետագա 25 տարիներին դեմենցիայի զարգացման ռիսկերը: Ընդհանուր առմամբ հետազոտությունում ընդգրկվել է 7899 տղամարդ եւ կին, որոնք 50 տարեկանում ոչ դեմենցիա, ոչ էլ սրտանոթային համակարգի խնդիրներ են ունեցել:

25 տարվա  դիտարկումների ընթացքում  դեմենցիայի 274 դեպք է գրանցվել, ընդ որում ախտորոշման միջին տարիքը կազմել է 75 տարի:

Վերլուծելով տվյալները՝ գիտնականները եկել են եզրահանգման, որ Life Simple 7-ի խորհուրդներին հետեւելը միջին տարքիում նվազեցնում է հետագայում դեմենցիայի զարգացման հավանականությունը:

Այսպիսով՝ առողջ սնունդը, սպորտով զբաղվելը եւ ծխելուց հրաժարվելն իսկապես օգնում են նվազեցնել բորբոքումը եւ բարելավել արյունատար անոթների վիճակը, ինչը բարենպաստ է անդրադառնում ուղեղի առողջության վրա:

Հետազոտության արդյունքները հրապարակվել են BMJ ամսագրում:

 

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է