• Latest news

5 անհավատալի ռենտգեն լուսանկար

27 հունիսի, 2014  23:25

Երբեմն մարդիկ այնպիսի վնասվածքներից հետո են կենդանի մնում, որ ավելի հեշտ է ողջ պատմությունը հեքիաթ համարել, հիշեցնում է Medical Daily-ն: Եթե, իհարկե, փաստը վկայող ռենտգեն լուսանկարներ չլինեն: Ստորեւ մի քանի այդպիսի պատմություններ եւ շշմեցուցիչ իրողությունները վկայող լուսանկարներ ենք ներկայացնում:

1. Էլեկտրական սղոցի սայրը` պարանոցի եւ ուսի արանքում


Այս պատմությունը Ջեյմս Վալենտինի հետ է պատահել, ով ժամանակին Փենսիլվանիա նահանգում ծառերի ավելորդ ճյուղերը հեռացնելու միջոցով էր գումար վաստակում: Սակայն, չարաբաստիկ մի օր, երբ ծառի վրա կանգնած` աշխատանքն էր կատարում, էլեկտրական սղոցը ձեռքի մեջ այնպես թռչկոտեց, որ սայրը պարանոցի եւ ուսի արանքը մտավ:

Վալենտինը մի կերպ, առանց գիտակցությունը կորցնելու, ցած է իջել ծառից եւ ներքեւում աշխատող գործընկերների օգնությանը դիմել, որոնք փրկել են նրա կյանքը` սայրը ոչ թե պարանոցի, այլ` սղոցի շարժիչից անջատելու շնորհիվ: Բժիշկների խոսքով, այն քներակից ընդամենը մի քանի սանտիմետր հեռավորության վրա է գտնվել:

2. Երկու մետրանոց պողպատե ձողը` խորովածի շիշ


6 մետրից գահավիժելով` արդեն իսկ կյանքը վտանգի եք ենթարկում, իսկ երբ ազդրից մտած պողպատե, երկու մետր երկարությամբ ձողը հատում է ստամոքսն ու կրծավանդակը եւ, սրտից մի քանի սանտիմետր հեռավորության վրա գտնվելով, պարանոցից դուրս գալիս, խոսելն անգամ ավելորդ է: Չինացի շինարար Վու Չժինչժանին «խորովածացու» դարձրած ձողը հինգ ժամ տեւած վիրահատության արդյունքում է հեռացվել: Մինչ վիրահատող բժիշկները «հիվանդին» փրկելու նվազագույն հույսեր ունեին, ներկայումս զարմանահրաշ չինացին լրիվ ապաքինվելու ճանապարհն է բռնել:

Մոտոցիկլետով վթարի ենթարկված 48-ամյա իտալացու մոտ բժիշկները «սրտի պտույտ» էին ախտորոշել: Մանսագետների խոսքով, անսովոր տեղաշարժի պատճառը ծակված թոքն է եղել, որից դուրս մղվող օդը ստիպել է սրտին դեպի աջ թեքվել: Եւ իրոք, վթարից 24 ժամ անց, երբ հաջոցվել է փակել թոքը եւ դուրս քաշել կրծքավանդակում հավաքված օդի ողջ ծավալը, «նեղսրտած» սիրտը նախկին վիճակին է վերադարձել:

4. Ձկնորսական նետը` ուղեղի մեջ


16-ամյա Յասար Լոպեսի ձկնորսությունն արկածախնդրությամբ էր ավարտվել: Նրա ընկերներից մեկը, ում ձեռքին ձկնորսական հրացան կար, պատահաբար կպել է ձգանին եւ ուղիղ Յասարի գլխին կրակել. արդյունքում երկուսն էլ ուշաթափվել են: Բժիշկները շտապ օգնության մեքենայով հիվանդանոց հասցված երիտասարդին քիմիական կաթվածի են ենթարկել` հավելյալ վնասվածքներից խուսափելու համար եւ, նախքան աչքից երկու սանտիմետր հեռավորության վրա խրված նետից ազատվելը, ուղեղի հետազոտություն նախաձեռնել: Պարզվել է` անհավատալի թվացող դիրքի շնորհիվ սրածայր գործիքը դեռահասի ուղեղի բոլոր կենսական կառույցներն ու կարեւոր երակներն   անվնաս է թողել: Օտար մարմնի հեռացման համար վիրաբույժներից երեք ժամ է պահանջվել:

5. 9 սմ երկարությամբ մեխը` գլխում. տղամարդը տեղյակ չէր, որ ինքն է արել


Զարմանալի է, որ գլխին 9 սմ երկարությամբ մեխ կրակելուց հետո կարելի է կենդանի մնալ, բայց որ այդքանից հետո էլ մի քանի օր այս ու այն կողմ անես` առանց տեղի ունեցածի մասին պատկերացում ունենալու, ուղղակի հրաշքների ոլորտից է թվում: Մարդուն պարզապես թվացել է` մեխ արձակող ատրճանակը լավ չի աշխատում, ու ձեռքի հետ էլ թեթեւ գլխացավ ունի: Հաջորդ օրն էլ վատ չի անցել, բայց արդեն երկու օր անց աշխատանքի վայրում ուժեղ գլխապտույտ եւ գլխացավեր են սկսվել: Տուն դառնալով եւ կնոջ խորհրդին հետեւելով, տեղական հիվանդանոցներից մեկին է դիմել եւ ապշել` ռենտգեն լուսանկարի վրա մեխ տեսնելով: Բժիշկները նկատել են, որ այն ուղեղի` մոտորային ֆունկցիաները կարգավորող հատվածից ընդամենը մի քանի միլիմետր հեռավորության վրա է գտնվում:  Մեխը հեռացնելու համար չորս ժամ տեւողությամբ վիրահատություն է ձեռնարկվել:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է