• Latest news

Դդմի կորիզի 5 օգտակար հատկությունները

19 հոկտեմբերի, 2019  21:56

Եթե դդմի կորիզները դեռ չեն գտել իրենց կայուն տեղը ձեր սննդակարգում, հիմա ժամանակն է դա ուղղել։ Ձեր ուշադրությանն ենք ներկայացնում այդ մթերքի մի քանի օգտակար հատկությունները։

Շաքարախտի վերահսկում

Իրենց մեջ պարունակվող սննդարար նյութերի շնորհիվ դդմի կորիզները նպաստում են արյան մեջ գլյուկոզայի մակարդակի լավագույնս վերահսկմանը։ Ավելին՝ նրանք կարգավորում են ինսուլինի արտադրությունը, այդ իսկ պատճառով շաքարախտով հիվանդներին խորհուրդ է տրվում իրենց սննդակարգում դդմի կորիզ ընգրկել։

Շագանակագեղձի առողջության պահպանում

Դդմի կորիզներն առավել օգտակար են տղամարդկանց համար․ ցինկի մեծ պարունակության շնորհիվ դրանք ոչ միայն պահպանում են շագանակագեղձի առողջությունը, այլեւ օգնում են պահպանել վերարտադրողականությունը։

Ավելորդ քաշի դեմ պայքար

Դդմի կորիզները շատ կալորիա եւ սպիտակուցներ են պարունակում, այդ իսկ պատճառով օգնում են զսպել քաղցը։ Դրանք պարունակում են երկաթ, որը նպաստում է էներգիայի բարձր մակարդակի պահպանմանը եւ կանխում է սովի սպազմերը, որոնց պատճառով մեզ այդպես ձգում են քաղցր խորտիկները։

Օգնություն արտրիտի դեպքում

Դդմի կորիզները պարունակում է Օմեգա - 3 եւ Օմեգա - 6 ճարպաթթուներ, որոնք արտրիտի դեպքում նվազեցնում են ցավերը եւ նույնիսկ նվազեցնում են այդ հիվանդության զարգացման ռիսկը։

Ընկճախտի պրոֆիլակտիկա

Դդմի կորիզները ընկճախտի պրոֆիլակտիկայի լավ միջոց են համարվում, քանի որ վերահսկում են հորմոնային դիսբալանսը։ Դրանք պարունակում են վարքագծի կարգավորման, քնի որակի բարելավման եւ տրամադրության համար մեծ դեր ունեցող հորմոնների համար պատասխանատու որոշակի ամինաթթուներ։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է