• Latest news

Ծխախոտի ծուխը վտանգավոր է երեխաների աչքերի համար. հետազոտություն

22 հոկտեմբերի, 2019  14:36

Երեխաների համար պասիվ ծխելն անչափ վտանգավոր է, ինչը հաստատել են մեծ թվով հետազոտություններ: Կատարված նոր հետազոտության ժամանակ գիտնականները պարզել են, որ մանուկ տարիքում ծխախոտի ծխի ազդեցությունը կարող է տարիներ անց առաջացնել տեսողական այնպիսի խնդիրներ, ինչպիսին են կատարախտը, տարիքային մակուլյար դեգենարացիան, գլաուկոման եւ այլն:

The National Post-ը հայտնում է, որ Հոնկոնգի Չինական համալսարանի հետազոտողները պարզել են, որ աչքի հետեւի հատվածի կառուցվածքը ծխախոտի ծխի պատճառով բարակում է:

Հետազոտողները գրանցել են աչքի անոթաթաղանթի բարակացում, որը սնուցում է ցանցաթաղանթը եւ վերականգնում աչքի մեջ մշտապես քայքայվող նյութերը: Գիտնականները հետազոտությանը ներգրավել են 6-ից մինչեւ 8 տարեկան 1400 երեխաների: 941 երեխա չի բախվել ծխախոտի ծխի հետ:

Երեխաների աչքերի անոթաթաղանթները, որոնք ենթարկվել են ծխախոտի ծխի ազդեցությանը, 6-8 միկրոմետրով բարակ էին, քան այն երեխաների մոտ, որոնց ներկայությամբ երբեք չեն ծխել: Ավելին՝ ընտանիքում որքան շատ ծխողներ են եղել, այնքան երեխայի աչքերի անոթաթաղանթը ավելի բարակ էր:

Գիտնականներն ընդգծում են, որ տեսողական համակարգը ակտիվորեն զարգանում է մինչեւ 12 տարեկանը: Այս պատճառով այդքան կարեւոր է երեխաների մոտ չծխելը:

Նշենք, որ նախորդ հետազոտություններն ապացուցել են նաեւ պասիվ ծխելու վտանգավորությունը մեծահասակների աչքերի համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է