• Latest news

2020-ին առողջապահության բյուջեն կկազմի 109 մլրդ դրամ. ինչի՞ վրա է ծրագրվում ծախսել այդ գումարը

1 նոյեմբերի, 2019  12:10

    2020-ին Հայաստանում առողջապահական ոլորտի համար բյուջեից կտրամադրվի 109 մլրդ 14,6 մլն դրամ՝ 2019-ին տրամադրված 89 մլրդ 590 մլն դրամի փոխարեն: Այս մասին այսօր ԱԺ մշտական հանձնաժողովների համատեղ նիստում 2020-ի պետբյուջեի նախագծի նախնական քննարկման ժամանակ հայտարարեց ՀՀ առողջապահության նախարար Արսեն Թորոսյանը: Նրա խոսքով՝ հաջորդ տարի առողջապահության ոլորտում քաղաքականությունն ուղղված է լինելու հանրային առողջապահությանը, հիվանդությունների կանխարգելմանը, բժշկական ծառայությունների հասանելիության եւ որակի բարձրացմանն ու ծնելիության եւ կյանքի միջին տեւողության բարձրացմանը:

    Նախարարի խոսքով՝ պետբյուջեից ստացված միջոցները կծախսվեն հետեւյալ ծրագրերի համար՝

    • Առողջապահության բյուջեից 8%-ը (27.1 մլրդ դրամ) կծախսվի բնակչության առողջության առաջնային պահպանման համար: Այդ գումարի մեծ մասը կգնա առողջապահության առաջնային օղակ (պոլիկլինիկաներ, ամբուլատորիաներ), իսկ մնացած մասը կծախսվի լաբորատոր-ախտորոշիչ հետազոտությունների անցկացման համար՝ նեղ մասնագիտացված կենտրոններում ախտորոշումը հաստատելու նպատակով: Երկրի ողջ բնակչությանը, ինչպես նշեց նախարարը, հասանելի կլինեն ընտանեկան բժշկի, թերապեւտի, մանկաբույժի եւ մի շարք նեղ մասնագետների անվճար կոնսուլտացիաները, ինչպես նաեւ պոլիկլինիկաներում լաբորատոր-գործիքային հետազոտությունները: Դրանից բացի, երկու բուժկենտրոններում ծրագրվում է 55-75 տարեկան քաղաքացիների շրջանում կոլոռեկտալ քաղցկեղի հայտնաբերման հարցով պիլոտային սքրինինգային ծրագիր իրականացնել:
    • Առողջապահության բյուջեից 3%-ը (5.7 մլրդ դրամ, 26.2%-ով ավելի շատ, քան 2019-ին) կծախսվի հանրային առողջապահության ծրագրերի իրականացման համար: Սա ներառում է նաեւ իմունականխարգելման ազգային ծրագիրը, որի շրջանակում 5-վալենտ պատվաստանյութից ծրագրվում է անցում կատարել դեպի 6-վալենտ:
    • Առողջապահության բյուջեից 7%-ը (20.4 մլրդ դրամ, 27.4%-ով ավելի շատ, քան նախորդ տարի) կծախսվի մոր եւ մանկան առողջության պահպանման ծրագրերի համար: Բարձր ռիսկի հղիների համար ծրագրվում է հավելյալ սքրինինգային հետազոտություններ ներդնել, ինչը կօգնի պահպանել հղիությունը: Բացի այդ, շատ զույգեր կկարողանան հասանելիություն ստանալ վերարտադրողականության օժանդակ տեխնոլոգիաների ծրագրերին:
    • Առողջապահության բյուջեից 25%-ը (27.1 մլրդ դրամ) կծախսվի ծառայությունների ֆինանսավորման համար, որոնք տրամադրվում են բնակչության սոցիալապես անապահով խմբերին, 47%-ով ավելի շատ, քան անցած տարի:
    • 200 մլն դրամ նախատեսվում է ուղղել օրգանների փոխպատվաստման ծրագրերին. 100 մլն՝ երիկամի փոխպատվաստմանը երիկամների քրոնիկական անբավարարություն ունեցող մարդկանց համար եւ եւս 100 մլն՝ ոսկրածուծի փոխպատվաստմանը՝ արյան չարորակ հիվանդություն ունեցող մարդկանց համար։
    • Ոչ վարակիչ հիվանդությունների դեմ պայքարի ծրագրերին, նախարարի խոսքով՝ նախատեսվում է հատկացնել առողջապահության բյուջեի 12,5 տոկոսը (13,7 մլրդ դրամ, 34,4 տոկոսով ավելի, քան 2019-ին)։
    • 4% (2,7 մլրդ դրամ, 6% տոկոսով ավելի, քան 2019-ին) կհատկացվի վարակիչ հիվանդությունների, այդ թվում աղիքային վարակների բուժմանը։
    • 3 մլրդ դրամ, նախարարի խոսքով, կծախսեն շտապօգնության ծառայությունների ֆինանսավորման համար, ինչը 1 մլրդ-ով ավելի է, քան անցած տարի։
    • 3 մլրդ դրամ նախատեսվում է ուղղել դեղորայքային ապահովման ծրագրերին, որոնք կապահովեն 14 հիվանդությունների ծածկումը 12-ի փոխարեն (ցուցակում կավելացնեն հիպոֆիզար գաճաճությունը եւ վիրուսային հեպատիտ С-ն)։
    • Դատաբժշկական, պաթոլոգաանատոմիական ծառայությունների համար կհատկացնեն 503 մլն դրամ՝ 11 տոկոսով ավելի, քան 2019-ին։
    • Իսկ ահա կոնսուլտացիաների, հետազոտությունների, մասնագիտական աջակցության բյուջեն 715 մլն դրամից կրճատվել է 317,6 մլն-ի՝ ի հաշիվ ֆինանսավորման զգալի կրճատման էլեկտրոնային առողջապահության համակարգի պահպանման հարցում։ 

    Նախարարը նաեւ ընդգծեց, որ 2020 թվականին նախատեսվում է շարունակել արտաքին աղբյուրներից ֆինանսավորվող ծրագրերը։ 

    Հետևեք NEWS.am Medicine-ին Facebook-ում և Twitter-ում


     
    • Տեսանյութեր
     
     
    • Իրադարձությունների օրացույց
     
     
    • Արխիվ
     
    • Ամենաընթերցվածը

    ամիս

    շաբաթ

    օր

     
    • Հետեվեք մեզ Ֆեյսբուքում
     
    • Հարցում
    Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
    Տեղյակ եմ եւ կողմ եմ
    Տեղյակ եմ եւ դեմ եմ
    Տեղյակ եմ, դեռեւս չեմ կողմնորոշվում
    Տեղյակ չեմ, բայց սկզբունքորեն կողմ եմ
    Տեղյակ չեմ, բայց սկզբունքորեն դեմ եմ
    Ինձ համար միեւնույն է