• Latest news

Առայժմ հայտնի չէ, թե մանկահասակ աղջիկը կոնկրետ ո՞ր բժշկական կենտրոնում է վարակվել ՄԻԱՎ վարակով. նախարար

1 նոյեմբերի, 2019  13:41

Մանկահասակ աղջիկը, ում մոտ ՄԻԱՎ վարակ է հայտնաբերվել, բուժվել է երկրի տարբեր բժշկական կենտրոններում, եւ առայժմ հայտնի չէ, թե որտեղ է կոնկրետ վարակվել: Այս մասին լրագրողների հետ զրույցում ասաց Հայաստանի առողջապահության նախարար Արսեն Թորոսյանը:

Նրա խոսքով՝ այս պահին միայն հայտնի է, որ նրա ծնողների մոտ ՄԻԱՎ վարակ չեն հայտնաբերել: Այս կապակցությամբ քննություն է ընթանում, որը պետք է պարզի, թե աղջիկը որտեղ եւ ինչ հանգամանքներում է վարակվել: Նախարարի խոսքով՝ մինչ այդ բժիշկներն ամեն ինչ անում են, որ աղջկա կյանքին ոչ մի բան չսպառնա:

Հիշեցնենք, որ հոկտեմբերի 16-ին ոստիկանության Արաբկիրի բաժինը տուժած աղջկա տատիկից դիմում է ստացել այն մասին, որ ընթացիկ տարվա օգոստոսից հոկտեմբերի 11-ն ընկած ժամանակահատվածում անչափահաս աղջիկը պարբերաբար ջերմել է: Նա տեղափոխվել «Արաբկիր» ԲԿ, որտեղ նրա մոտ ՄԻԱՎ է ախորոշվել: Մինչեւ այդ պահը ո՛չ երեխայի, ո՛չ նրա ծնողների մոտ ՄԻԱՎ առկա չէր:

Հայաստանի Քննչական կոմիտեն քննություն է կատարում՝ պարզելու մանկահասակ երեխայի՝ ՄԻԱՎ վարակով վարակվելու դեպքի հանգամանքները: Հարուցվել է քրեական գործ 123-րդ հոդվածի 3-րդ մասի 2-րդ կետով: Նշանակված են մի շարք դատաբժշկական փորձաքննություններ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է