• Latest news

Որքա՞ն ժամանակ է կորոնավիրուսը պահպանվում օրգանիզմում

28 մարտի, 2020  19:15

Կորոնավիրուսից բուժվածների կեսի մոտ COVID-19 վիրուսն օրգանիզմում պահպանվում է 1-8 օր, նույնիսկ բոլոր ախտանիշների անհետանալուց հետո։ Այսպիսի եզրակացության է եկել գիտնականների միջազգային խումբը, որը հետազոտություն է անցկացրել Պեկինի բժշկական կենտրոնում։ Հետազոտության արդյունքները հրապարակվել են ATSJournals ամսագրում։

Մասնագետները վերլուծել են 16 պացիենտների տվյալները, որոնց միջին տարիքը 35,5 է կազմել։ Նրանք բոլորը հունվարի 28-ից փետրվարի 9-ը բուժվել են կորոնավիրուսից, եւ բոլորն առողջացել են, ու նրանց անալիզների պատասխանները բացասական են եղել։ Սկզբնապես վիրուսային կարգավիճակը հաստատվել է երկու հաջորդող թեսթերի միջոցով՝ պոլիմերազային շղթայական ռեակցիայի մեթոդով (ՊՇՌ)։

Յուրաքանչյուրի հիվանդությունը տարբեր աստիճանի ծանրությամբ է ընթացել, նշել է հետազոտության մասնակից, թոքաբան Լոկեշ Շարման։ Ինկուբացիոն շրջանը կազմել է միջինը հինգ օր, բոլորի մոտ եղել է բարձր ջերմություն, հազ, կոկորդի ցավ եւ շնչարգելություն։ Այդ ախտանիշները շարունակվել են միջինը 8 օր, սակայն պացիենտներից կեսի մոտ վիրուսի անալիզները դրական են եղել նույնիսկ ախտանիշների անհետացումից հետո։

Գիտնականները կարծում են, որ անհրաժեշտ է կորոնավիրուսից բուժվածների կարանտինի ժամկետը 1-2 շաբաթով երկարաձգել։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել