Օպտիկաակուստիկայի մեթոդը կարելի է օգտագործել մաշկի խոնավության մոնիթորինգի համար, պնդում են Սքոլթեխի եւ Տեխասի համալսարանի հետազոտողները:
Այս մեթոդը միանգամայն հեռանկարային է վնասվածքների բուժման, ինչպես նաեւ կոսմետիկայի մեջ կիրառելու տեսակետից:
Ներկայումս հյուսվածքներում ջրի մակարդակի մոնիթորինգի համար օգտագործում են էլեկտրական, մեխանիկական, սպեկտրասկոպիական մեթոդներ, բայց չկան ճշգրիտ եւ ոչ ինվազիվ մեթոդներ, որոնք կապահովեին միաժամանակ բարձր թույլատրելիություն եւ զոնդավորման զգալի խորություն:
Օպտիկաակուստիկայի մոնիթորինգը նախատեսում է հյուսվածքների ճառագայթում իմուլսիվ լույսով, որն առաջացնում է ճառագայթվող գոտու (թիրախի) ջերմաառաձգական ընդարձակում, որը կլանում է այդ լույսը: Իսկ այդ թիրախը կարող է հայտնաբերվել ուլտրաձայնի միջոցով:
Նախորդ հետազոտությունները ցույց են տվել, որ օպտիկաակուստիկ սպեկտրասկոպիան հաջողությամբ հայտնաբերում է հեմոգլոբինը, մելանինը եւ ջուրը: Այս մեթոդն անվտանգ է կլինիկական կիրառման համար, քանի որ կենսաբանական հյուսվածքի կլանած էներգիայի քանակությունը համեմատաբար մեծ չէ:
Հետազոտության ժամանակ մասնագետները ստեղծել են դոնդողանյութից եւ կաթից մաշկի երկշերտ մոդելներ: Որոշ մոդելներ ջրի միջոցով էպիդերմիսի տակ այտուց են նմանակել: Գիտնականներն իրենց մեթոդը թեստավորել են նաեւ մարդկանց դաստակի վրա՝ առանց այտուցի հետքերի: Պարզվել է, որ այս մեթոդը թույլ է տվել բավական ճշգրտորեն որոշել մաշկի մեջ ջրի պարունակությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր