Երեւանի պոլիկլինիկաներում այսօր մեկնարկում է կորոնավիրուսի դեմ պատվաստումը

Երեւանի պոլիկլինիկաներում այսօր՝ ապրիլի 13-ին, մեկնարկում է կորոնավիրուսի դեմ պատվաստումը: Ապրիլի 14-ին նախատեսվում է պատվաստումներ սկսել հանրապետության մարզերում: Առայժմ հիվանդների համար հասանելի է AstraZeneca պատվաստանյութը, սակայն մի քանի օրից հասանելի կլինի նաեւ «Սպուտնիկ V»-ն:

Մայրաքաղաքի մի քանի պոլիկլինիկաներից NEWS.am Medicine-ին հայտնել են, որ երեկ կեսօրին ստացել են AstraZeneca պատվաստանյութը եւ այսօր պետք է սկսեն աշխատել ռիսկային խմբերի հիվանդների հետ. նրանց զկզանգահարեն՝ պատվաստումների հրավիրելու համար, որոնք, ըստ էության, կսկսվեն առաջիկա օրերին:

Ինչպես հայտնել են դեղատների աշխատակիցները, քանի որ պատվաստանյութի յուրաքանչյուր ամպուլը նախատեսված է մի քանի մարդու համար, անհրաժեշտ է պատվաստումն այնպես կազմակերպել, որպեսզի անհրաժեշտ քանակությամբ մարդիկ հավաքվեն եւ բաց ամպուլում դեղը չմնա եւ չփչանա:

Հիշեցնենք, որ ռիսկի խմբերի շրջանում պտավաստումային գործընթացի ռիսկերը նվազեցնելու համար AstraZeneca պատվաստանյութը նպատակահարմար է կիրառել հետեւյալ ռիսկի խմբերի շրջանում.

• 65 տարեկան եւ բարձր տարիքի անձանց
• Բուժաշխատողներ՝ 55 տարեկան եւ բարձր տարիքի անձինք
• Քրոնիկ հիվանդներ՝ 55 տարեկան եւ բարձր տարիքի անձինք
• Սոցիալական խնամքի կենտրոնների բնակիչներ եւ աշխատակիցներ՝ 55 տարեկան եւ բարձր տարիքի անձինք

Sputnik V պատվաստանյութը նպատակահարմար է կիրառել հետեւյալ ռիսկի խմբերի շրջանում.

• Բուժաշխատողներ՝ 18-54 տարեկան անձինք
• Քրոնիկ հիվանդներ՝ 18-54 տարեկան անձինք
• Սոցիալական խնամքի կենտրոնների բնակիչներ եւ աշխատակիցներ՝ 18-54 տարեկան անձինք

Հիծեցնենք նաեւ, որ Հայաստանը ձեռք է բերել «AstraZeneca» եւ «Sputnik V» պատվաստանյութերը` համապատասխանաբար 24 000 եւ 15 000 խմբաքանակներով:

Հետևեք NEWS.am Medicine-ին Facebook-ում և Twitter-ում