• Latest news

Կարելի՞ արդյոք նշիկաբորբը բուժել պաղպաղակի օգնությամբ

27 հունվարի, 2022  16:32

Կարելի՞ է արդյոք նշիկաբորբը՝ անգինան, բուժել պաղպաղակի օգնությամբ։ Ինչպես հավաստիացնում են քիթ-կոկորդ-ականջաբան Վլադիմիր Զայցեւը եւ ընդհանուր պրակտիկայի բժիշկ, թերապեւտ Լարիսա Ալեքսեեւան, պաղպաղակն օգնում է վերացնել բորբոքումը, բայց լուրջ ազդեցություն չի թողնում օրգանիզմի վրա։

Ինչպես նշում է URA.RU-ն, մասնագետների խոսքով՝ անգինայի ժամանակ, եթե դեղեր չկան, կարելի է պաղպաղակ ուտել, այն կարող է թեթեւացնել այդ հիվանդության եւ սուր ֆարինգիտի ընթացքը, բայց ոչ բոլոր պացիենտների մոտ։

«Այսինքն՝ ինչ-որ մեկին այն կօգնի, եւ սպազմը թույլ չի տա, որ բորբոքումը զարգանա. արագ կմարի հենց սկզբում։ Բայց եթե բորբոքումն արդեն ընթանում է, ապա, իհարկե, անգինան բուժվում է հակաբակտերիալ դեղամիջոցներով»,- ասել է Զայցեւը։

Ալեքսեեւան, իր հերթին, նշել է, որ սառնությունը նվազեցնում է բորբոքումը եւ այտուցները։ Բայց թարախային անգինան պաղպաղակով բուժելն անհնար է։ Այդ հիվանդության դեպքում պետք է ընդունել բժշկի նշանակած հակաբիոտիկները։

Մասնագետների խոսքով՝ պաղպաղակը կարող է դառնալ ապաքինող միջոց երեխաների ադենոիդների վիրահատությունից հետո։ Սառնությունն առաջ է բերում լորձաթաղանթների եւ անոթների սպազմ, ինչն էլ օգտակար է։

«Երբ երեխայի ադենոիդները հեռացրել են եւ նրա մոտ արնահոսություն կա, նրան պաղպաղակ են տալիս, որպեսզի քիթ-ըմպանում արնահոսությունն արագ դադարի։ Տալիս են երկու բաժին պաղպաղակ հենց սառցախցիկից»,- ասել է Զայցեւը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է