Ինչպես է օմիկրոնին հաջողվում շրջանցել հակամարմինները

Ինչպես է կորոնավիրուսի օմիկրոն շտամին ավելի լավ հաջողվում շրջանցում հակամարմինները, քան նախորդ տարբերակներին: Այս հարցի պատասխանը գտել են ԱՄՆ-ի գիտնականները։ Նրանց ուսումնասիրության արդյունքները հրապարակվել են Science Translational Medicine ամսագրում:

Օմիկրոնն ուսումնասիրելով՝ գիտնականները պարզել են, որ այս շտամն ունի 59 ամինաթթվային մուտացիաներ՝ համեմատած Ուհանում հայտնաբերված SARS-CoV-2 կորոնավիրուսի առաջին տարբերակի հետ: Գենոմի այս քանակի փոփոխությունների շնորհիվ է, որ նոր շտամը կարողանում է հեշտությամբ շրջանցել հակամարմինները։ Պարզվել է, որ այս մուտացիաների մեծ մասը կենտրոնացած է հասկային սպիտակուցի մեջ, որը պատասխանատու է մարդու բջիջներ կորոնավիրուսի ներթափանցման համար։

Այս շտամը կարող է նաեւ փոխել իր ձեւը, ինչը դժվարացնում է իմունոգլոբուլինների աշխատանքը։ Այն նաեւ ունի մեծ քանակությամբ գլիկաններ (պոլիսախարիդային կապեր), որոնք օգնում են նրան թաքցնել սպիտակուցները հակամարմիններից:

Գիտնականների կարծիքով՝ այս հետազոտության ընթացքում ձեռք բերված տվյալները կօգնեն վերանայել գոյություն ունեցող դեղամիջոցները՝ կորոնավիրուսային վարակի դեմ պայքարելու համար, ինչպես նաեւ հիմք կծառայեն կորոնավիրուսի դեմ նոր սերնդի պատվաստանյութերի մշակման համար։

Հետևեք NEWS.am Medicine-ին Facebook-ում և Twitter-ում