• Latest news

Գիտնականները պարզել են, թե ինչպես են այգեգործությունն ու նկարչությունն ազդում կանանց հոգեկան վիճակի վրա

7 հուլիսի, 2022  19:27

Նոր հետազոտությունները ցույց են տվել, որ բույսերի հետ աշխատանքը կարող է իսկապես բարենպաստ ազդել նույնիսկ այն մարդկանց հոգեկան առողջության վրա, որոնք նախկինում երբեք այգեգործությամբ չեն զբաղվել:

PLOS ONE ամսագրում հրապարակված հետազոտության մեջ Ֆլորիդայի համալսարանի հետազոտողները պարզել են, որ այգեգործությամբ զբաղվելը նվազեցնում է սթրեսի մակարդակը, տագնապները եւ դեպրեսիան առողջ կանանց մոտ, որոնք շաբաթը երկու անգամ հաճախել են այգեգործության դասընթացների, իսկ հետազոտության մասնակիցներից ոչ մեկը նախկինում այգեգործությամբ չի զբաղվել:

Հետազոտությանը մասնակցել է 26-49 տարեկան 32 կին: Նրանք բոլորն առողջ են եղել, ինչը այս փորձի համար նշանակում է այնպիսի գործոնների ստուգում, ինչպիսիք են քրոնիկ հիվանդությունները, ծխախոտի եւ թմրանյութերի օգտագործումը, ինչպես նաեւ տագնապի կամ դեպրեսիայի դեմ դեղամիջոցների ընդունումը: Մասնակիցների կեսն ուղարկվել է այգեգործությամբ զբաղվելու, իսկ մյուս կեսը՝ գեղարվեստական ստեղծագործության պարապմունքների։ Երկու խմբերն էլ հանդիպել են շաբաթական երկու անգամ՝ ընդհանուր առմամբ ութ անգամ: Արվեստի խումբը համեմատության կետ է ծառայել այգեգործության խմբի հետ։

«Ինչպես այգեգործությունը, այնպես էլ արվեստը ենթադրում են ուսուցում, պլանավորում, ստեղծագործ աշխատանք ու ֆիզիկական շարժում, եւ դրանք երկուսն էլ օգտագործվում են բժշկական հաստատություններում՝ թերապեւտիկ նպատակներով: Սա նրանց գիտական առումով ավելի համեմատելի է դարձնում, քան, օրինակ, այգեգործությունն ու բոուլինգը կամ այգեգործությունն ու ընթերցանությունը»,- բացատրել են հետազոտողները:

Այգեգործության դասի մասնակիցները սովորել են համեմատել եւ սերմեր ցանել, վերատնկել տարբեր տեսակի բույսեր եւ հավաքել ու համտեսել ուտելի բույսեր: Արվեստի պարապմունքների մասնակիցներն ուսումնասիրել են այնպիսի տեխնիկաներ, ինչպիսիք են թղթապլաստիկը, փորագրությունը, նկարչությունը եւ կոլաժը։

Մասնակիցները լրացրելեն մի շարք հարցաթերթիկներ, որոնք չափում են տագնապայնության, դեպրեսիայի, սթրեսի եւ տրամադրության մակարդակը: Հետազոտողները պարզել են, որ այգեգործների եւ նկարիչների խմբերում ժամանակի ընթացքում հոգեկան առողջության համանման բարելավումներ են դիտարկվել, ընդ որում՝ այգեգործներն ավելի քիչ տագնապայնություն են ունեցել, քան նկարիչները:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է